Manatu mo Afiafi Faaleaiga
O lenei lomiga o loo aofia ai tusiga ma gaoioiga e mafai ona faaaoga mo afiafi faaleaiga. O ni faataitaiga nei se lua.
“Poloaiga = Alofa,” itulau 56: Mafaufau e fesili i lau fanau e uiga i tulaga na faaosoosoina ai i latou e aua le usitai ia te oe. O faataitaiga e ono aofia ai le taaalo i se auala pisi po o le o e momoe i se taimi faapitoa. Fesili ia i latou pe aisea i lo latou manatu na e tuuina atu ai na faatonuga (aua e te alofa ia i latou) Ona mafai lea ona e faaaogaina lenei tusiga e faaaoga ai lenei mataupu faavae i poloaiga mai le Tama Faalelagi. Faamatala atu ua tuuina mai e le Tama Faalelagi poloaiga ia i tatou aua e alofa o Ia ia i tatou ma Na te silafia o na poloaiga e fesoasoani e puipuia i tatou. E mafai ona tatou faaalia lo tatou alofa mo Ia e ala i le tausia o na poloaiga.
“Vaavaai Atu mo Elise,” itulau 70: Ua faamatala mai e le tusiga se tala i se tamaitiiti e igoa ia Daniel lea e lagona i nisi taimi le ita i lona tuafafine e le atoatoa le malosi e ui lava e alofa o ia ia te ia. Mafaufau e faitau le tusiga faatasi ma lau fanau. E mafai ona e fesili ia i latou pe na faapefea ona faaalia e Daniel lona alofa mo lona tuafafine ona saunia lea o se lisi o auala e mafai ai e lou aiga ona faaalia le alofa mo le tasi, i le mulimuli i le faataitaiga a Daniel.