O Tamaiti e Tutu Maualuga
Avea ma se Faifeautalai
Talofa, o a’u o Jesse!
O tagata uma e mafai ona avea ma se faifeautalai. Na tuuina mai e lou peresitene o le siteki i Kalefonia ia i matou se lui e faasoa atu le talalelei. Ina ua ou maua le avanoa e tuuina atu ai se lipoti i se setete i le Iunaite Setete na ou iloa o lou avanoa lea!
O le Lui
Na fai mai lo matou faiaoga ia matou filifilia se setete o le I.S. ma faia se ata, po o se tala puupuu. Na ou tau i lou faiaoga na ou manao ia Iuta. Na masani ona ou alu i Iuta i malologa faaleaiga. Na ou manao ia aoao atili e uiga i le “Setete o Ofagapi.” Na ou manatu o le a fesoasoani ia te au i le galuega faafaifeautalai!
O Mea Moni e Malie
Na ou aoaoina o le pine faamau auro lena na fesootai ai le Auala Nofoaafi Muamua e soo ai Amerika i Matu na tuuina i Iuta. Na ou tuuina le ata o le Malumalu o Sate Leki i lau galuega faatino. Na ou tusia foi ni mea moni e uiga ia Peresitene Tavita O. Makei (1873–1970) aua o ia o le perofeta e fiafia i ai lou tama matua.
O le Ofagapi
Na ou manao e faaali i lau vasega le matagofie o foafoaga a lo tatou Faaola i lau ata. Na ou kavaina se atigipusa i pi ma mamanuina ia pei o se ofagapi. O ofagapi e faamanatu mai ia i tatou ia galulue malolosi e pei o pi i le faasoaina atu o le talalelei.
O le Faamatalaga e uiga i le Avea ai ma se Faifeautalai
Na ou avea lau galuega faatino o le aoga i le faletatala. Na fiafia tagata uma i lau pusa pi! Na tuu mai e le faiaoga ia te au se A+! Ou te faamoemoe o le a vaai tagata i le maoae o le nofoaga o Iuta. Atonu o le a latou fesili mai e uiga i le Ekalesia a Iesu Keriso o le Au Paia o Aso e Gata Ai. Ua le mafai ona ou faatali seia lava lou matua e alu ai i se misiona ma faasoa atili atu pea le talalelei!