O Lima, o le Loto, ma se Ataata
E alala le tusitala i Iuta, ISA.
Sa tilotilo atu Litia ia Tina o sauni mo le galuega. Ua fai e Tina se vali laugutu manaia piniki. Sa aulelei o ia.
Sa tilotilo Litia i le faaata. Sa ia lagona le faanoanoa. Na fai mai Litia, “E leai ma sa’u vali laugutu.” “O lona uiga la, ou te le aulelei.”
Sa fusi mau o ia e Tina. “O le faia o le vali laugutu e le o le mea lena e faaaulelei ai tagata. O le avea ma tagata malolosi ma agalelei e aulelei ai tagata.
“E te malosi ma agalelei pe a auauna atu ou lima e fesoasoani ai i isi.
“E te malosi ma agalelei pe a alofa lou loto i tagata uma.
“Ma e te malosi ma agalelei pe a e ataata. O le mea lena e fiafia ai foi tagata uma e te vaai i ai.
“O le avea ma se tagata malosi ma agalelei e te aulelei ai i totonu, ae le na o fafo.”
Sa manao Litia ina ia avea ma se tagata malosi ma agalelei.
Sa faaaoga ona lima e ave ai le meli mo Tamamatua. Sa ia tuuina atu lana kuki sukalati mulimuli i lona tausoga.
Sa ia lagona le alofa i totonu o lona loto ina ua la taaalo ma se tuaoi fou. Sa ia lagona le alofa i totonu o lona loto ina ua ia tuuina atu ni sene i se teineitiiti sa aoina ni tupe mo tagata e leai ni fale.
Sa ataata atu o ia i tagata sa vaai i ai. Sa latou ataata mai ia te ia.
O lena po, sa fai atu ai Lydia ia Tina, “E sa’o lava oe! Ua ou lagona le malosi ma le agalelei. Sa ou faaaogaina o’u lima ma lo’u loto ma la’u ataata ananei.”
Sa ataata Tina. “Ua e malosi ma agalelei, e pei ona finagalo Iesu ia avea ai oe!”