Kairake
Koaua nakon Aia Onimaki
Beretitenti Monson e karakina rongorongon te utu teuana ae te bwaeoniia ao imwiina e taekina ana taeka Beretitenti George Albert Smith: “Kam na maiuakina te koaua nakon aia onimaki ami Bakatibu? … Kam na keiakinna bwa kam na tau ibukin aia anganano ni kabane [ake a] tia ni karaoi ibukimi.” Ngkana tao iai am bakatibu aika bwaeoniia ke ngkoe te moan roro n riki bwa kain te Ekaretia, ko tarai banna ni katoto ibukin te onimaki ibukin te kairiiri ao te korakora? Aio te kawai are tamaroa are ko na waaki moa mai iai:
1. Karinanii araia aomata ake ko mataiakiniia. A kona man am utu (ngkoa ke ngkai), raraom, mataniwi n te Ekaretia, ke aomata man booki aika a tabu.
2. Korei anuaia aomata ake ko tatangiria. Tinam e tataonakinnano? Tao raraom a akoiia tabeman. Tao ko tatangira ninikorian Kaaben Moroni.
3. Ana te anua teuana man am rinan ao titirakiniko ibon iroum, “N na kanga ni karekea te anua aei? Tera ae I riai ni karaoia bwa N na karikirakea aio inanon maiu?”
4. Korei am baire bwa ko na kanga ni karikirakea te anua aei ao katekea n te tabo teuana are ko na nonoria iai, bwa e na kauringko n am kouru. Tataro ibukin ana ibuobuoki Tamam are i Karawa ao tutuoa rikirakem n tainako. N te tai are ko namakinna bwa koa tia ni karekea ae tau ibukin te anua aei, ko kona ni karekea te anua teuana ae boou bwa ko na mwakuri iaona.
Uringnga bwa ngkai ti karikirakrei anua aika tamaroa inanora, ti aki tii karinean aia onimaki ara bakatibu ao te anganano are a karaoia, ma ti kona naba ni bitaki nakon ae tamaroa nakoia ake irarikira.