Yut
Papa long Heven I Toktok long Mi tru long Wan Toktok blong Konfrens
Hem we i raet ia, i stap long Sergipe, Brasil.
Mi stap gat tu tingting long wanem bae mi mas stadi long hem long yunivesiti. Plante oli talem ol nogud samting abaot kos we mi bin wantem tekem, mekem se mi prea long Lod blong luk se Hem i agri wetem desisen blong mi, o no.
Ansa blong mi i kam long nekis dei blong hem taem mi bin stap ridim wan toktok blong jeneral konfrens we i stap long Liahona. Mi filim olsem se Papa long Heven i stap talem long mi se Hem i no save mekem joes ia long bihaf blong mi—hemia i wan desisen we mi mas mekem miwan. Mi bin save se nomata wanem bae mi jusum, bae mi mas wokhad blong gat sakses long hem.
Mi save se ansa blong prea blong mi i kam. Konfemesen blong Tabu Spirit i bin helpem mi blong mekem wan desisen. Mi bin lanem blong mi mas wokhad mo mi save se Papa long Heven bae i helpem mi.