Ua Ou Lagonaina le …
O nei kata o mau e mafai ona siitia oe pe afai e te lagonaina le lotovaivai.
E tusa lava po o a ou lagona o i ai, e silafia oe e le Atua, e alofa ia te oe, ma malamalama i le mea o loo tupu ia te oe. O le mea moni, e alofa tele o Ia ia te oe ua Ia auina mai ai Lona Alo o Iesu Keriso, ina ia faia le Togiola ina ia mafai ona e faatoilaloina luitau, maua le fiafia, ma toe foi atu ma toe nonofo faatasi ma Ia (tagai i le Ioane 3:16). E ono foliga le faigofie lena mea pe a e lagonaina le lotovaivai, ae o loo i ai se nofoaga e mafai ona e alu i ai mo se fesoasoani: o tusitusiga paia.
O kata nei ua faamatalaina faataitaiga sili mai tusitusiga paia ua faaalia ai o le Atua o loo i ai iina e le aunoa mo oe. O lea, soo se taimi ua e lagona ai le faanoanoa, tuuatoatasi, pe lotovaivai, e mafai ona e toso ae nei kata, sue i mau o loo lisiina, ma iloa ai o le Atua o loo faatasi ma oe.
Faatonuga: Oti ese nei kata ma taofi faatasi i se mama faamau pepa, manoa, po o se lipine. Atonu e te manao e faamalo pe teu i se pepa puipui e fesoasoani ina ia umi ai ona aoga. E mafai ona e sii maia nisi kopi mo uo po o aiga i le liahona.lds.org.
Faanoanoa
Na lagona e Keriso le faanoanoa uma o le a ou oo i ai, ina ia mafai ona Ia faamafanafanaina au.
Mataupu Faavae ma Feagaiga 121:1–9: A o i ai i le Falepuipui o Liperate, sa lagona e Iosefa Samita le faanoanoa ona sa mafatia tagata o le Ekalesia, ma sa faapena foi o ia. Sa tatalo o ia ma maua se faamautinoaga. O le a faatasi le Atua ia te au pe a ou liliu atu ia te Ia mo se faamafanafanaga.
Mau Faaopoopo:
Fefe
Na manumalo Keriso i mea uma, o lea e leai se mea ou te fefe ai.
Mareko 4:36–41: Sa fefefe le au soo ina ua latou i ai i le sami ma maua ai i le ogatotonu o se afa matautia. Ua faafilemu e Keriso le matagi i le poloaiga “Faalologo ia, ina malu ia.” Pe a ou fefe, ou te valaau atu i le Alii, ma o le a Ia fesoasoani mai ia te au e maua ai le toafilemu.
Mau Faaopoopo:
Le Mautonu
E silafia e le Alii pe faapefea ona foia faafitauli uma ma te fetaiai, o le mea lea e mafai ai ona ou faalagolago i Lana Togiola.
Iosefa Samita—Talafaasolopito 1:5–20: Sa lagona e Iosefa Samita le fenumiai po o le fea ekalesia e tatau ona auai. Sa ia fesili atu i le Atua ma maua ai se tali, lea na taitai atu i le Toefuataiga o le Ekalesia a le Alii. Pe a ou lagonaina le le mautonu, ou te tatalo i le Atua, ma o le a Ia tali mai ia te au.
Mau Faaopoopo:
Nofosala
Na tauave e le Faaola au agasala i Ona lava luga ina ia mafai ona faamagaloina au ma faasaoloto mai le faanoanoa ma le tausalaina.
Alema 36:16–21: Na solia e Alema le Itiiti ni agasala matuia, ae sa mafai lava ona faamagaloina o ia ma mafai ai ona aveeseina le tausalaina. E ala i le salamo, e mafai ona ou maua ai le filemu o loo faamatalaina e Alema.
Mau Faaopoopo:
Lotovaivai
E mafai ona ou faatoilaloina le lotovaivai a o ou saili ia malamalama i le Togiola a Keriso ma maua Lona mana.
Alema 26:27: Na faamanatu atu e Amona i ona uso ina ua latou lagona le lotovaivai, o le Alii na faamafanafanaina i latou ma folafola atu e tuuina atu ia te i latou le manuia. Ua faia e le Atua lena folafolaga ia te au pe afai o le a ou liliu atu ia te Ia.
Mau Faaopoopo:
Lofituina
E ala i le Togiola a Iesu Keriso, ou te mafai ona maua le faatuatua ma le malosi e onosaia ai mea uma.
Mosaea 24:13–15: Na nofopologa le nuu o Alema i se pule-o galuega amioleaga. Sa latou tatalo ma maua le malosi e tauaveina ai a latou avega. Pe a ou lofituina, o le a faamalosi foi le Atua ia te au.
Mau Faaopoopo:
Masalosalo
E mafai ona ou maua tali i au fesili i le talalelei ma faalagolago i le Faaola e fesoasoani ai ia te au e manumalo i soo se masalosalo.
Iakopo 1:5–6: Ua uunaia au e Iakopo ou te ole atu i le Atua pe afai ou te le malamalama, ae ua Ia tuuina mai le apoapoaiga ina ia ole atu i le faatuatua. Sa ia malamalama o le faia o fesili e taitai atu i se manao ina ia malamalama, ae o le masalosalo e taitai atu i le lē talitonu.
Mau Faaopoopo:
Loto Vaivai
E mafai ona tuu mai e le alofa tunoa o Keriso ia te au le onosai e faatoilaloina ai le le fiafia ia te au lava atoa ma isi.
2 Nifae 4:16–35: E oo lava ia Nifae, i le faatuatua na i ai, sa ia lagonaina foi le lotovaivai. Pe a ou taumafai e manumalo i ou vaivaiga, faamaea se galuega, po o le tetee atu i faaosoosoga, e mafai ona ou maua le mafanafana i le iloaina o le Atua o le a fesoasoani ia te au ma maua ai le filemu.
Mau Faaopoopo:
Le Aoga
Na puapuagatia Keriso mo au aua sa Ia alofa ia te au ma silafia lou taua e le mafuatiaina.
Luka 15:3–7: O le faataoto o le mamoe na leiloa o loo faaalia ai e le leoleo Mamoe Lelei, o Iesu Keriso, o le a faia soo se mea e toe maua mai ai se tasi o mamoe ua leiloa. Ou te taua tele i le Tama Faalelagi ma Iesu Keriso lea ua La saunia ai se ala e toe foi atu ai ia i Laua ma avea faapei o i Laua.
Mau Faaopoopo:
Ma’i
Ua silafia e le Alii le ala e fesoasoani ai ia te au ma ona o Ia e i ai se aso o le a faamalolo ai au mai ou ma’i uma lava.
Luka 8:43–48: Ao i ai i le lalolagi, na faamaloloina e Keriso tagata e toatele. E mafai foi ona faamaloloina au. O lena faamalologa e lē sau loa lava poo i lenei olaga, ae o le a Ia faamafanafana ia te a’u (o se ituaiga o faamalologa) ma faamaloloina atoatoa au i le Toetu.
Mau Faaopoopo:
Tuuatoatasi
Ona o Keriso na puapuagatia i le Togiola mo au, e le tatau ona ou onosaia soo se tofotofoga na o au.
Iopu 1:21–22: Na mafatia Iopu i mea matautia, e aofia ai le maliliu o lana fanau. Na ia onosaia i le faalagolago i le Alii. Pe a ou liliu atu i le Alii e ala i le iloaina o Ia, o le a ou iloa ai e le tuua lava na o au aua e faatasi o Ia ma au.
Mau Faaopoopo:
Vaivai
O le alofa mutimutivale ma le alofa tunoa o Keriso o le a tuuina mai ia te au le malosi e faatoilalo ai luitau e tusa lava pe ua ou lagonaina le vaivai.
Alema 2:27–31: A o i ai sa Nifae i le taua, sa latou liliu atu i le Alii ma sa faamalosia i latou e Ia. A o ou feagai ma ituaiga uma o osofaiga faaleagaga ma faalelagona, sa mafai ona ou lagona le vaivai, ae e faamalosia e le Alii au.
Mau Faaopoopo:
Tiga
E mafai ona faamaloloina soo se tiga ou te lagonaina e ala i le Togiola a Keriso, ma o Lona alofa o le a musuia a’u e faamagalo atu i isi.
1 Nifae 7:6–21: Na saisai e Lamana ma Lemuelu Nifae ma faamatau atu e tuua o ia i le vao. Sa tatalo Nifae ma, faatasi ai ma le fesoasoani a le Alii, sa faasaolotoina ma sa ia faamagalo i ona uso. E mafai foi ona ou tatalo, lagonaina le filemu, ma maua le malosi e faamagalo atu.