Manatu mo Afiafi Faaleaiga
O lenei lomiga o loo aofia ai tusiga ma gaoioiga e mafai ona faaaoga mo afiafi faaleaiga. O ni faataitaiga nei se lua.
“E faapefea ona Fausia le Lotogatasi,” itulau e 61: Ua faamanatu mai e Peresitene Eyring ia i tatou o se tasi o auala e mafai ona tatou fatuina ai le lotogatasi o le tautala lelei o le tasi i le isi. E mafai ona e faataitai le tautala ma le alofa e ala i tulaga o le faatinoina o tala o loo talosagaina ai tagata o le aiga e tuuina atu o latou manatu e uiga i isi. E mafai ona e faaaogaina fesili e pei o le “O faapefea mai lou uso?” po o le “O le a sou manatu i lou faiaoga o le Aoga Sa?” Talanoa e uiga i auala e mafai ona sili atu ai le tautala ma le agalelei o le tasi i le isi ma faaleleia atili ai le lotogatasi o le aiga. E mafai ona faaiu lau afiafi faaleaiga e ala i le usuina o le pese “Fai Upu Alofa I le Tasi” (Viiga, nu. 147).
“O se Penina Moni,” itulau e 66: Mafaufau e fatu se faamaumauga o taleni a le aiga. E mafai ona e lisiina taleni, ua atiina ae po o le a mananao tagata o le aiga e atiina ae. E mafai foi ona faaali ni manatu mo le faaleleia atili ma le faaaogaina o na taleni. E mafai ona e fesili atu, “O ai i lo tatou aiga, uarota, po o le pitonuu e mafai ona manuia mai taleni a lo tatou aiga?” Mafaufau e fai ni fuafuaga e atiina ae ma faaaoga ai au taleni e auauna atu ai i le Tama Faalelagi e pei ona faia e Jetta i le tala.