E Tasi le Laa e Latalata Atili Atu Ai i le Eseta
I vaiaso taitasi o le masina lenei, o oe ma lou aiga e mafai ona aoao atili e uiga ia Iesu ma Lona Toetu. O loo soifua o Ia!
Gaoioiga mo le Vaiaso 1: Sa Malaga Mai Iesu i Ierusalema
Tusitusiga Paia: Mataio 21:1, 6–11
Pese: “Osana o le Eseta” (Liahona, Ape. 2003; maua i le LDS.org)
Lau Pama o le Osana: Fai se lau pama e faamanatu ai ia te oe lau pama sa talotalo atu e tagata e faafeiloai ai Iesu. Oti ni pepa lanu meamata se lima pe ono o alofilima (pe faaaoga pepa papae ma valivali i le lanu meamata). Ia faapipii i se fasilaau meataulima.
O le a se tasi o auala e mafai ona e faaali atu ai lou alofa mo Iesu?
Vaiaso 2: Sa Tuuina Mai e Iesu ia i Tatou le Faamanatuga
Tusitusiga Paia: Luka 22:1, 14, 19–20
Pese: “I le Lotomaualalo, Faaola e” (Viiga, nu. 95)
Faamanatu ai le Faamanatuga: Fai se lisi o upu e faamanatu ai ia te oe mea na faia e Iesu mo i tatou. Tuu lau lisi i au tusitusiga paia ina ia mafai ona e vaai i ai i le taimi o le faamanatuga.
E faapefea ona mafai ona e manatua Iesu i le fale po o le aoga?
FAAMANATUGA
Vaiaso 3: Na Faaali Mai e Iesu le Agalelei
Tusitusiga Paia: Luka 22:47–51; Luka 23:33–34; Ioane 19:25–27
Pese: “Na Ia Auina mai Lona Alo” (Tusipese a Tamaiti, 20)
Ato o le Eseta: Tuu atu nei aitema i se ato e tatala i le aso Sa o le Eseta. O le a e iloa mea e fai i ai i gaoioiga o le vaiaso o le a sosoo ai:
(1) tolu tupe siliva, (2) tamai ipu ti, (3) manoa ua lavelave, (4) fasimoli, (5) tamai fasi ie lanumumu, (6) tamai koluse tuitui nifo (7) ie paepae, (8) ma ni fasilaau tinamoni po o isi meafaamanogi, (9) tamai maa, (10) ie paepae ua gaugau, (11) o ata o Iesu.
E faapefea ona e mulimuli ia Iesu e ala i le faaali atu o le agalelei?
Vaiaso 4: Ua Toe Soifua o Ia!
Pese: “Pe na Toe Soifua Moni Mai ea Iesu?” (Tusipese a Tamaiti, 45)
Tusitusiga Paia ma Gaoioiga: A o e faitauina nei mau, aveese le aitema e fesootai mai lau Ato o le Eseta.
(1) Mataio 26:14–15; (2) Mataio 26:36, 39; (3) Mataio 27:1–2; (4) Mataio 27:22, 24; (5) Mataio 27:28–29; (6) Mataio27:31; (7) Mataio 27:59; (8) Ioane 19:40; (9) Ioane 20:1–4; (10) Ioane 20:5–7; (11) Ioane 20:10–20
Pe faapefea e le iloaina o le Toetu o Iesu ona e lagonaina ai le fiafia?