Sili atu le Tutusa nai Lo le Eseese
A o agai i luga tamaitai talavou i le Aualofa ma o na uso e faafeiloaia i latou, o vaega uma e lua o le a vave ona iloa latou te tutusa i le tele o itu.
I le taimi o se gaoioiga tuufaatasi a Tamaitai Talavou ma Le Aualofa, sa talosagaina ai se Lora e 18 tausaga le matua ma se tamaitai e 81 tausaga le matua e talanoaina a la tafaoga faamasani muamua lava. “Na malie lava le faateia o i laua ina ua iloa mea e tutusa ai i le va o aafiaga e lua sa fia sefulu tausaga e va ai.”1 Na la iloaina e tele atu mea e tutusa ai i laua nai lo mea sa la manatu i ai.
O le agai i luga mai Tamaitai Talavou i le Aualofa e mafai ona tele taimi e foliga mai ai e faigata, ma i ni taimi, e oo lava i le taufaafefe. I le avea ai ma se tamaitai talavou, atonu e mafai ona e fesili ia te oe lava, “Pe i ai se mea ou te tutusa ai ma nei tamaitai e matutua atu? Pe i ai se nofoaga mo au i Le Aualofa?”2
O le tali i na fesili o le ioe mautinoa lava! E pei o tamaitai e toalua i le tala o loo i luga, atonu e te iloa ai e sili atu mea tou te tutusa ai le tasi ma le isi nai lo outou manatu. Ma “ioe” e i ai se nofoaga mo oe i Le Aualofa. Peitai, e pei o agai uma i luma i le olaga mai le tulaga i le isi, e tatau ona tatou galulue faatasi ina ia faamanuiaina.