Kadkad in Mour ko Rekwojarjar an Jisōs Kraist: Eobrak kōn Iakwe Em̧ool im Iakwe

Kanooj jar ilo ekkatak kōn katak in im pukōt n̄an jeļā ta eo n̄an kwaļo̧ke. Ekōjkan ami naaj meļeļe kadkad in mour eo ekwojarjar an Rilo̧mo̧o̧r eo ej kōļapļo̧k tōmak eo ami ilo E im kōjeram̧m̧an ro kom̧wij (bōk eddoier) mije er kōn naan in katak an kōrā? N̄an meļeļe ko reļļapļo̧k, etal n̄an reliefsociety.lds.org.

Tōmak, Baam̧le, Deeor

Pija

Visiting teachers with an elderly woman.

KAJOOR IN KAREEL EO AN KŌRĀ RO REWĀNŌK, jān Julie Rogers

Unin Tōl eo n̄an Jeje ko Rekwōjarjar ej kōmeļeļeiki iakwe-em̧ool “iakwe eo eutiejtata, em̧m̧antata, ekajoortata, im ej jab en̄jake bajjek” (“Iakwe-em̧ool”). Ej iakwe eo erreo an Jisōs Kraist. Ilo ad ekkatak kōn Jisōs Kraist im kajjieon̄ āinwōt E, jenaaj jino en̄jake iakwe erreo in An ilo mour ko ad im renaaj im̧we kōj n̄an iakwe im jipan̄ ro jet āinwōt Enaaj kar kōm̧m̧ane. “Iakwe-em̧ool ej wōr an kijenmej ippān juon eo me eaar kakkure kōj,” Būreejtōn Thomas S. Monson ekar ba. “Ej jum̧ae ikdeleel eo n̄an m̧ōkaj an inepata. Ej bōk m̧ōjņo̧ im likjab ko. Ej bōk armej ro āinwōt n̄e rej āindee eo wōt. Ej kalimjōk eļapļo̧k jān paoktok an ānbwin n̄an m̧wil ko me rejjamin tinaadļo̧k ilo iien. Ej jum̧ae ikdeleel ko n̄an kōllaajrak armej.”¹

Ilo Bok in Mormon, jej ekkatak kōn m̧ool eo eļap bwe jej “jar n̄an Jemād kōn aolep kajoor in bōro, bwe kom̧in maron̄ obrak kōn iakwe eo An, eo Eaar leļo̧k ioon aolep ro rej ri kaļoor ro an rem̧ool an Nejin, Jisōs Kraist; bwe [jen] maron̄ erom m̧aan ro [im kōrā ro] nejin Anij; bwe n̄e Enaaj waļo̧k jenaaj āinwōt E, bwe jenaaj lo E ilo lukkuun nememen; bwe jen maron̄ bōk kōjatdikdik in; bwe jān maron̄ karreo em̧ool āinwōt E erreo” (Moronai 7:48).

Bar jet eoon ko

Jon 13:34–35; 1 Korint 13:1–13; 1 Nipai 11:21–23; Ether 12:33–34

Jān Bwebwenato eo Ad

“Juon sister eo ej kiiō juon eo emej pāleen ekar kam̧m̧oolol kōn rūkaki in loļo̧k ro an kōrā ro rekar būrom̧ōj ippān im kainōm̧m̧an e. Ekar jeje: ‘Ikar lukkuun in aikuji juon eo emaron̄ in kar itok; juon eo emaron̄ in ron̄jake eō. … Im rekar ron̄jake. Raar kaenōm̧m̧an eō. Raar jan̄ ippa. Im rekar bakwaj eō … [im] kar jipan̄ eōk jān aō lukkuun ebbweer im būrom̧ōj ilo allōn̄ ko im̧aan ke iaar jino make iaaō.’

“Bar juon kōrā ekar kōmeļeļeik wāween an kar en̄jake ke ekar bōk iakwe in em̧ool jān juon kōrā ej loļo̧k kōrā: ’Ikar jeļā bwe ekar ļapļo̧k tokja jān nōm̧ba in jon̄an armej ro ilo juon bok n̄an an liin loļo̧k. Ikar jeļā bwe liin ekar kea kōn n̄a.’”²

Āinwōt sister rein, elōn̄ Armej ro Rekwojarjar ilo Raan-ko Āliktata ipeļaakin laļ in remaron̄ kam̧ool kōn m̧ool eo an ennaan in jān Būreejtōn Boyd K. Packer (1924–2015), Būreejtōn eo an Doulul eo an Jon̄oulruo Rijilōk ro: “Eļap an kaenōm̧m̧an kōj n̄e jej jeļā bwe jekdo̧o̧n ia eo [juon baam̧le emaron̄] etal n̄ane, juon baam̧le ilo Kabun̄ in ej kōttar wōt er. Jān raan eo raar itaaktok, ļein ekar doon juon doulul an priesthood im liin enaaj doon Doulul eo an Kōrā.”³