O jaab! Kiiō Ta?
Emaron̄ waļo̧k jabdewōt jikin—ilo m̧ōko, ilo jikuuļ, ak m̧weo im̧ōn ro mōttad. Kokajju loe men eo kwojeļā ejjab em̧m̧an—ilo taļboon, TV, kampiutōr, ak kein ikkure, ak ilo bok ak māākjiin. Kiiō ta eo komaron̄ kōm̧m̧ane bwe en em̧m̧anļo̧k am̧ en̄jake?
-
Etal jān e. Kune. Likūt ilaļ. Watōke āinwōt juon baijin n̄an kōmalij ņe am̧–kōnke men eo ewōjake ņe.
-
Ba n̄an jinōm im jem̧ōm. Ro jinōm im jem̧ōm eļapļo̧k aer jeļā kōn eok, im rekōņaan jipan̄ eok bwe kwōn aenōm̧m̧ān im m̧ōņōņō. Jab jook. Ta eo eaar waļo̧k n̄an eok emōj an bar waļo̧k n̄an enan̄in aolep armej.
-
Ekōnono wōt. Emaron̄ jipan̄ n̄an am̧ jiron̄ļo̧k jinōm ak jem̧ōm jabdewōt iien jabdewōt men kwar loe ilo juon raan eo ekōm̧m̧an an jab em̧m̧an am̧ mour. Ro jinōm im jem̧ōm remaron̄ jipan̄ eok kōm̧m̧an juon karōk n̄an kōjparok eok make jān am̧ loe men ko rejjōkkar. Eļan̄n̄e kwōj en̄jake am̧ lokjak, inepata, ak āinwōt kokōņaan bar lo juon men eo ejjōkkar, lale bwe kwōn bar ba n̄an er kake.
-
Jab baj jijet wōt ijeņe. Alooj ak riiti jabewōt men eo em̧m̧an. Kōm̧m̧an jabdewōt men ekamoururi eok. Kōm̧m̧ane juon jerbal em̧m̧an. Iiaio ippān ro nukum im ro m̧ōttam.
-
Keememej wōn kwe. Kwōj jab erom armej nana kōn wōt ta eo kwar loe. Kwōj juon ajri nejin Anij, im Ej iakwe eok im ekōņaan jipan̄ eok bwe kwōn aenōm̧m̧an im m̧ōņōņō.
-
Meļo̧kļo̧ke. Pijaik am̧ make kōttļo̧k juon bujeen̄ im lale an kālōn̄ļo̧k. Kajjieon̄ kakkije im kōtļo̧k an ta eo kwar loe diwōjļo̧k jān ļōm̧ņak ņe am̧. Kiiō pijaik tampeļ eo, baam̧le eo am̧, ak juon men eo kokōņaan loe.
Kōmeļeļe ko jān Shawna J. C. Tenney