M̧ōņōņō ilo Nokōn in Jota eo an Baam̧le
Ilo 1915, rikanaan ro ilo raan-kein āliktata rekar kōkkapilōkllōk kōj bwe jen kōjenolo̧k juon jota ilo juon wiik n̄an baam̧le ko ad. Kar ņae etan “joteen eo ilo m̧weo” kar jinoin—juon iien ekkatak gospel eo im m̧ōņōņō ippān doon, ilo ad kōkajoorļo̧k wāween ko rejelet kōj ilaļ in im indeeo.
Jibukwi iiō ko tokālik, nokon in jota eo an baam̧le ej wōnm̧aanļo̧k wōt im jipan̄ kōj kalōk baam̧le ko renaaj pād n̄an indeeo. Rikanaan ro rej kallim̧ur bwe jān menin, tōmak eo eļap im kajoor ilo jetōb enaaj eddōkļo̧k ilo būruwōd, im kōjparok eo eļap, ippān doon, im aenōm̧m̧an enaaj pād wōt ilo m̧ōko.
Jej aolep itok jān juon baam̧le ioon laļ in im rej m̧ōttan wōt baam̧le eo an Jemād ilo Lan̄. Jabdewōt jikin jej pād ie ilo laļ in im jabdewōt jekjek eo jej pād ie ilo mour, jemaron̄ m̧ōņōņō im jemaron̄ bōk koņaad ilo nokon in jota eo an baam̧le.
Tuanmiin̄: Baam̧le eo an Moua raar em̧m̧akūt ļo̧k n̄an Thailand, ijo rekar katak kōn gospel eo ie im peptaij ie. N̄an nokon in jota eo an baam̧le, rej katak jān Bok in Mormon eo ilo kajin eo aer make Hmong, im Thai, im kajin eo aer kiiō ilo kapijuknen eo aer ekāāl.
Itulaļ: M̧ōņōņō im ikkure ej juon iaan wāween ko baam̧le eo an Santos jān Portugal rej kōm̧m̧ane n̄an ejaake jem̧jerā eo aer ilo nokon in jota eo an baam̧le.
Tuanm̧ooņ: Baam̧le ej juon men eaorōkļo̧k jān juon m̧am̧a, baba eo im ajri ro ilo Democratic Republic of Congo. Kōn menin Brother Suekameno ej kakweilo̧k tok baam̧le eo an n̄an nokon in jota eo an baam̧le, elōn̄ jān bukwōn eo rej ruwainene in kobaļo̧k.
Ilōn̄tata: Sister Gercan jān Philippines ej kōjerbal al ko an Būraimere im al ko ilo m̧anit n̄an katakin ajri ro nejin kōn lan̄lōn̄ eo an gospel.
Ilōn̄: Baam̧le eo an Anderson, rekar pija ijin ilo jikin m̧ōn̄ā eo aer ilo Georgia, USA, m̧weo m̧weer, rej m̧ōņōņō ilo aer kōmat kukiij. Jet iien rej kōjerbali āinwōt m̧ōttan ekatak eo ak āinwōt juon kapijje.
Ilōn̄: Brother im Sister Reynolds jān Washington, USA, rej pukōt jet wāween ko n̄an aer katakin gospel eo bwe ajri ro nejier ren maron̄ ekkatak im meļeļe.
Tuanm̧ooņ, jān lōn̄tata: Baam̧le eo an Espinoza jān Bolivia koba jibūeer eo rej kautieje ilo nokon in jota eo an baam̧le ilo aer al im ekkatak jān gospel in.
N̄an baam̧le eo an Jin jān Georgia, USA, menmenbwij ej juon iaan m̧akūtkūt ko rem̧m̧antata ilo nokon in jota eo aer. Rej m̧ōņōņō ilo aer katakin ajri ro nejier jowi eo aer jān Korea.
Baam̧le eo an Ligertwood jān Australia, jet iien rej diwōjļo̧k jān m̧weo im jam̧bo im ikkure āinwōt m̧ōttan wōt nokon in jota eo an baam̧le, alooje jikin ko raiboojoj ilo bukwōn eo.