Unsay Atong Buhaton sulod sa Templo?
Ang templo mao ang balay sa Ginoo. Kon mosulod ta, bation nato nga duol sa Langitnong Amahan ug ni Jesukristo. Kita mobati sa Espiritu Santo. Sa templo kita mohimo og sagradong mga ordinansa, sama sa bunyag. Kita mohimo og espesyal nga mga saad, o mga pakigsaad, uban sa Langitnong Amahan. Makatabang kita niadtong nangamatay nga makaangkon og kahigayunan sa pagdawat sa ebanghelyo. Usa gayud ka espesyal nga adlaw kon kamo mosulod sa unang higayon!
Kon kamo mag-12 anyos, mahimo mong makigkita sa inyong bishop aron mokuha og inyong rekomend sa templo. Dayon mahimo na mong moadto sa templo aron mopahigayon og mga bunyag.
Bunyaganan
Kon kamo mag-12 anyos, kamo mahimong bunyagan alang sa mga tawo nga namatay nga wala mabunyagi. Ang bunyaganan gipatong sa mga baka nga nagrepresentar sa dose ka tribo sa Israel.
Ordinance Room
Sa mga lawak sama niini, makat-unan nato ang mahitungod sa plano sa Langitnong Amahan alang nato, ug maghimo kita og mga pakigsaad nga maghatag nato og higayon sa pagpuyo uban Kaniya pag-usab. Makat-unan nato ang mahitungod sa Paglalang sa kalibutan, mahitungod ni Adan ug Eva, ug mahitungod ni Jesukristo. Makat-unan usab nato ang mga panalangin nga atong madawat sa sunod nga kinabuhi kon kita magmatinud-anon.
Celestial Room
Ang celestial room maanindot! Nagpahinumdom kini nato kon unsa kita ka malinawon ug ka malipayon kon kita makapuyo uban sa Langitnong Amahan ug ni Jesukristo sa umaabut nga panahon.
Sealing Room
Sa lawak sama niini, ang mga pamilya mabugkos alang sa kahangturan. Nagpasabut kini nga maghiusa kita sa pagpuyo isip pamilya sa kahangturan—dili lamang niining kinabuhia.
Kay ang templo mao ang balay sa Dios.
Usa ka dapit sa gugma ug katahum.
Mag-andam ko samtang ako bata pa.
Mao kini ang akong sagrado nga katungdanan.
(“Gusto Ko nga Makita ang Templo,” Songbook sa mga Bata, 99.)
Litrato sa Ogden Utah Temple celestial room, bunyaganan, ordinance room, sealing room
FAR-CENTER SA TUO: GILITRATOHAN NI Summer Rachael Derrick; PAGHULAGWAY PINAAGI NI BRADLEY CLARK