Ko e Feinga Ke ʻIloʻi ʻEku Kui Fefiné
ʻOku nofo ʻa e tokotaha naʻá ne faʻú ʻi Veisinia, USA.
ʻI he taha ʻo e ngaahi ngāue ʻa e Kau Finemuí, ne u loto lelei ke tokoni ki heʻeku kui fefiné ke kumi ʻene ngaahi kuí ʻaki hono siofi e ngaahi peesi ʻo e filimi ʻi he senitā hisitōlia fakafāmili ʻi Mesa ʻi ʻAlesona, USA. ʻI heʻema tangutu vāofi ʻo fekumi ki homa fāmilí, ne kamata ke u fakakaukau: “ʻOku ou ʻilo lahi ʻaupito nai ki heʻeku kui fefine ʻoku tangutu ʻi hoku tafaʻakí?”
Naʻá ma maʻu ha kau mēmipa tokolahi ʻo e fāmilí, teuteuʻi honau fakamatalá, pea ʻalu leva ki he Temipale Mesa ʻAlesoná ke fakahoko honau papitaisó mo e hilifakinimá. Ne ʻikai fuoloa mei ai kuo foaki mai ʻe heʻeku kui fefiné ha meʻa kuo fakatahatahaʻi ai hono hisitōlia fakafāmilí.
Koeʻuhí naʻá ne faingataʻaʻia he langa huí, ne faingataʻa ai ki heʻeku kui fefiné ke taipe. Ne u fiefia ke tokoni kiate ia ʻi he komipiutá. Ne ma hiki fakataha e ngaahi talanoa mei heʻene moʻuí maʻá e lelei fakalaumālie homau fāmilí. ʻOku ou fiefia ke hoko ko ha konga ʻo ʻene moʻuí mo ako lahi ki he hisitōlia ʻo e Siasí ʻi heʻemau ngāue fakataha ʻi he ngaahi ngāue ko ʻení.