Ang Family History Makausab og mga Kasingkasing
Daghang family history center sa umaabut anha na sa panimalay, panagna ni Elder Bradley D. Foster sa Seventy sa usa ka pakigpulong nga gihatag niadtong Marso 23 nga may kalabutan sa RootsTech 2013 Family History and Technology Conference sa Siyudad sa Salt Lake, Utah, USA.
Si Elder Foster, ang Assistant Executive Director sa Family History Departments, miingon nga duna na unyay siyam ka bilyon nga tawo sa kalibutan ug ang Ginoo miandam og teknolohiya nga mohimo niining posible aron “mabugkos ug masumpay kadtong tanan nga pamilya.”
Iyang gihatagan og gibug-aton ang kaimportante sa pagbuhat sa family history, pagkahibalo sa mga istorya bahin sa atong mga katigulangan—dili lang sa genealogy, sa pagpangita og mga ngalan ug mga petsa. Ang mga pantiyon o lubnganan sa bisan asang menteryo sa kalibutan gibutangan og pangalan, petsa sa pagkatawo, mubong badlis ug dayon petsa sa pagkamatay, miingon siya. “Kana nga mubo nga badlis sa tunga sa petsa sa pagkatawo ug sa pagkamatay ingon og gamay ra kaayo ug dili importante, apan ang tibuok natong kasaysayan nag-agad niini,” miingon siya. “Mao nga samtang mag-focus kita sa pagdiskubre niana nga mga petsa, sa atong gugma sa atong katigulangan—ang pagpabati sa atong kasingkasing ngadto sa atong mga katigulangan—moabut pinaagi sa pagdiskubre gikan niana nga mubo nga badlis.”
Ang family history mohiusa kanato samtang mopakigbahin kita og mga istorya ug magtinabangay, siya mipasabut. “Busa, ang genealogy makausab sa atong plano; ang family history makausab sa atong kasingkasing.”