O lea mataupu ma lea mataupu
Mataupu Faavae ma Feagaiga 76:22–24
O nei fuaiupu o loo folafola mai ai se molimau o ona po nei ia Iesu Keriso: O Loo Soifua o Ia!
22 O lenei, ina ua uma ona faia molimau e tele e uiga ia te ia, o le molimau tupito mulimuli lenei i mau uma lava, ma te faia ia te ia: O loo soifua o ia!
23 Aua na ma vaaia o ia, i le itu taumatau lava o le Atua; na ma faalogoina foi le siufofoga o molimau mai o ia lava lea o le Toatasi na Fanaua e le Tama—
24 E mai ia te ia, ma ui mai ia te ia, ma o ia, na foafoaina ai lalolagi uma, o e nonofo ai foi o atalii ma afafine na fanaua e le Atua.
E Tele Molimau
E tele molimau na tuuina mai e uiga i le Keriso toetu i luma atu o lenei faaaliga. O nisi faataitaiga nei:
-
Maria le Makatala (tagai i le Ioane 20:11–18)
-
O Aposetolo i le vaitaimi o Iesu (tagai i le Mataio 28:9–20; Mareko 16:14–20; Luka 24:36–53; Ioane 20:19–29; 21)
-
O soo e toalua i le ala i Emau (tagai i leLuka 24:13–35)
-
Setefano (tagai i leGaluega 7:55–56)
-
Paulo (tagai i le Galuega 9:1–6)
-
O tagata Sa Nifae (tagai i le 3 Nifae 11–28)
-
Moronae (tagai i leEteru 12:39)
-
Iosefa Samita (tagai i leTalafaasolopito—Iosefa Samita 2:16–20)
O Loo Soifua o Ia!
“Ua ou faitauina—ma ua ou talitonu—i molimau a i latou na aafia i le faavauvau o le Faasatauroga o Keriso ma le olioli o Lona Toetu. Ua ou faitauina—ma ua ou talitonu—i molimau a i latou i le Lalolagi Fou o e na asia e lena lava Alii toetu.
“Ua ou talitonu i le molimau a le na talanoa i lenei tisipenisione ma le Tama ma le Alo, i se vao ua taua nei e paia, ma o le na ofoina atu lona ola, e faamau ai i lona toto lena molimau.”
Peresitene Thomas S. Monson, “Ua Toe Tu o Ia!” Liahona, Me 2010, 89.
Ua I ai Lalolagi ma sa Foafoaina
“I lalo o le taitaiga a le Tama, o Keriso o le Alii o le atulaulau, sa foafoaina lalolagi e le mafaitaulia—o lo tatou lalolagi e na o le tasi lea (tagai i le Efeso 3:9; Eperu 1:2).
“E fia ni paneta o le atulaulau o nonofo ai tagata? Tatou te le iloa, peitai e le na o i tatou o i ai i le atulaulau! O le Atua e le o se Atua o se paneta e tasi!”
Elder Neal A. Maxwell (1926–2004) o le Korama a Aposetolo e Toasefululua, i le “O Molimau Faapitoa ia Keriso,” Liahona, Ape. 2001, 5.
Atalii ma Afafine na Fanaua e le Atua
“E le o outou o ni tagata faatauvaa, au uo talavou pele i le lalolagi atoa. E mamalu ma faavavau outou. …
“O la’u tatalo ma faamanuiaga pe a e vaavaai atu i lou ataata, ia mafai ona e vaai i tua atu o le lē atoatoa ma le masalosalo ma ia iloa ai lou tagata moni: o outou o ni atalii ma ni afafine mamalu o le Atua Silisili Ese.”
Peresitene Dieter F. Uchtdorf, Fesoasoani Lua i le Au Peresitene Sili, “O Le Ataata i totonu o le Vai” (Faeasaite a le Ofisa o Aoaoga a le Ekalesia mo le autalavou matutua, aso 1 o Nov., 2009); e maua i le CESfiresides.lds.org.
Faamatalaga mai le Ua Toetu o Ia, saunia e Del Parson