FETUʻUTAKI MO HOʻO MĀTUʻÁ
ʻE lava ʻo tokoni atu ʻa e fanga kiʻi meʻá ni ke ke fetuʻutaki lelei ai mo hoʻo mātuʻá pea mo e kakai kehé.
-
Tuʻu mateuteu ki ha ngaahi faingamālie ke talanoa. ʻOku faʻa maʻu ʻi he taimi ʻe niʻihi ʻa e ngaahi faingamālie ki ha fetuʻutaki lelei ʻi he taimi ʻoku ʻikai ke ke ʻamanaki ki aí.
-
Fakafanongo ʻaki ho lotó. Feinga ke mahino kiate koe ʻa e ʻuhinga pea mo e taumuʻa ʻo e meʻa ʻoku tala atu ʻe hoʻo mātuʻá.
-
Tokanga ki ai. ʻOku tokoni ʻa e taha fanongo tokangá ke ongoʻi fiemālie ai ʻa e taha ko ʻeé ke ne fakahā ʻa e anga hono lotó.
-
Toutou fakamatalaʻi fakakongokonga lalahi ange ʻa e meʻa ʻokú ke fanongo ki aí. ʻOku fakahaaʻi heni ʻokú ke fanongo fakamaatoato ki he meʻa ʻoku lea ʻaki ʻe hoʻo mātuʻá.
-
Fai ha ngaahi fehuʻi. ʻE lava ʻo tokoni ʻa e fehuʻí ke mo fakatou ʻiloʻi ai ʻokú mo kauhala taha pē.
-
Manatuʻi ko e mātuʻá ʻoku nau kei tangata pē mo kinautolu. ʻOku ʻi ai honau loto pea ʻoku nau fie ofi atu kiate koe.
Ko e taimi te ke ako fakahoko ai mo hoʻo mātuʻá ʻa e ngaahi pōtoʻi fetuʻutaki leleí, ʻe lava ke mou vāofi ange ai pea fakatou tāpuekina kimoutolu.