ʻE founga fēfē ke mahuʻinga mālie ange ai ʻeku ako folofolá?

ʻOku vahevahe mai heni ʻe Palesiteni Henelī B. ʻAealingi Tokoni Ua ‘i he Kau Palesitenisī ‘Uluakí ha niʻihi ʻo ʻene ngaahi fakakaukau ʻi he kaveingá ni.

Mei he “Ko ha Fetalanoaʻaki ʻo Kau Ki Hono Ako ʻo e Folofolá,” Liahona, Siulai 2005, 8–12.

ʻĪmisi

President Henry B. Eyring

ʻOku fie maʻu ke tau lau ʻa e folofolá ʻi he loto fakatōkilalo pea mo vēkeveke.

Fokotuʻu ha taimi pau ke toutou ako ai ʻa e folofolá. Ko hoʻo anga pē ki hono toutou ako ʻo e folofolá, te ke taʻeoliʻia kapau he ʻikai ke ke fai ʻeni.

Ko e taimi ʻoku tau fehangahangai ai mo ha palopalema ʻi heʻetau moʻuí, ʻoku totonu ke tau ō ʻo fekumi ʻi he folofolá ki ha tokoni pau. Te tau maʻu ha tali ʻi he folofolá.

Kapau te ke lau ʻa e Tohi ʻa Molomoná ʻi he loto tauʻatāina, te ke ʻilo ko e folofola ia ʻa e ʻOtuá pea ʻoku moʻoni.

ʻE aʻu ki ha taimi, kapau te ke kamata moʻoni ke keinanga ʻi he folofolá, te ke ʻiloʻi te nau hoko ko ha konga ʻo hoʻo moʻuí.