Mo Uo Laiti
Manatua Iesu Keriso i le taimi o le Faamanatuga
Manatua: Afai e te le manao e aveese itulau mai le mekasini, e mafai ona kopi, tusi lolomi, pe lomia lenei gaoioiga mai le Initoneti i le www.lds.org. Mo le Igilisi, kiliki i le “Gospel Library.” Mo isi gagana, kiliki i le “Languages.”
E tele auala e mafai ona tatou manatua ai ma le faaaloalo Iesu Keriso, ae maise lava i le taimi e tufa ai le faamanatuga. E mafai ona tatou manatua le auala na Ia puapuagatia ai mo a tatou agasala ma le auala na maliu ma toetu ai o Ia. E mafai ona tatou manatua Lona soifuaga ma aoaoga. E mafai ona tatou mafaufau i auala e mafai ai ona sili atu ona tatou faapei o Ia. E mafai ona tatou manatua mea sese ua tatou faia ma talosaga mo se faamagaloga. Ma e mafai ona tatou manatua le tele o faamanuiaga ua Ia tuuina mai ia i tatou. Na fetalai Iesu, “Afai foi tou te manatua pea a’u, tou te mafuta ma lo’u Agaga” (3 Nifae 18:11). O le faamanatuga o se faamanuiaga maoae i o tatou olaga.
Faatonuga
Faapipii li’o e lua i luga o pepa malo, ma oti ese. Tuu le li’o ua oti i le pito i luga o le isi li’o. Faamau li’o e lua i le ogatotonu i se faamau apa. Vili le li’o pito i luga ia mafai ai ona e vaai i ata taitasi. Mafaufau po o le a le mea ua faatusa i ai. E mafai foi ona e faaaogaina li’o o ata i se lauga i le Peraimeri po o se lesona o le afiafi faaleaiga.