O LA TATOU FILIFILIGA

O le maua o ni manatu mo Pepa Lautele o loo i ai se Savali, o se tasi lea o mea e sili ona luitauina ma tauia matou te faia i mekasini a le Ekalesia.

O se aafiaga lena matou te mananao e faasoa atu i le au faitau. O le mea lea i le tausaga ua tea na matou filifilia ai se ata e mafai ona tele ni ona uiga ma valaauina outou e auina mai o outou manatu. Ma na mautinoa lava sa outou auina mai ia manatu! E faitau selau tali mai le lalolagi atoa na taunuu mai i le meli ma le i-meli. E masani lava, e taunuu mai i le aso e tasi ni manatu talitutusa faapea foi ma faaupuga toetoe a tutusa, ma na vave ona iloa ai e le mafai ona pikiina tau lava o se tasi se manumalo.

E tusa ma le afa tasene le aofai o autu e oo mai pea lava pea:

Aua nei fuli lou tua (i aiga, uo, ma le Ekalesia).
Mulimuli i le perofeta.
Lototele e tutoatasi.
Salamo—liliu ma alu i le itu sa’o.
Filifili le mea tonu.
Fetufaai atu le talalelei i isi.

I le iuga, na matou iloa ai o le tele o a outou tali e faatatau i le faiga o filifiliga sa’o nai lo se isi lava mea. O lea la o le matou filifiliga lena.

Ma o le ua manumalo: o i latou uma lava na auai. Na outou faaaluina le taimi e mafaufau loloto ai ma fesootai ma isi ma le Agaga e faailoa ma faasoa mai aoaoga faavae moni. Ma o lena aafiaga o le mea lena na matou mananao e faasoa atu ia te outou.

Filifili

O le lelei ma le leaga e faafeagai.

(Tagai 2 Nifae 2:27.)