Na Nodra Tokoni na Vakaitutu ena Lotu
E rogo totoka dina na sere. Au vakabauta ni ko ni sa raica tiko na ivakatakilakila ni yacadra o ira era sa na gole tiko yani ki na Koronivuli ni Kaulotu me baleta na nodra ilesilesi ki vuravura taucoko. Kemuni na taciqu kei na ganequ, e kerei au o Peresitedi Hinckley meu kacivaki ira yani vei kemuni ena gauna oqo na Vakaitutu Raraba, Vitusagavulu ni iWasewase, kei na mataveiliutaki raraba ni veimataisoqosoqo ni Lotu me baleta na nomuni laveliga ni veitokoni.
E sa vakaturi me da tokoni Gordon Bitner Hinckley me parofita, daurairai, ka dauvakatakila ka Peresitedi ni Lotu i Jisu Karisito ni Yalododonu Edaidai; Thomas Spencer Monson me iMatai ni Daunivakasala ena Mataveiliutaki Taumada; kei James Esdras Faust me iKarua ni Daunivakasala ena Mataveiliutaki Taumada.
O ira era duavata me ra vakaraitaka.
O ira era saqata, ke dua, me vakaraitaka.
E sa vakaturi me da tokoni Thomas Spencer Monson me Peresitedi ni Kuoramu ni iApositolo Le Tinikarua; O Boyd Kenneth Packer me Peresitedi Vakatawa ni Kuoramu ni iApositolo Le Tinikarua; kei ira oqo me ra lewe ni kuoramu o ya o: Boyd K. Packer, L. Tom Perry, Russell M. Nelson, Dallin H. Oaks, M. Russell Ballard, Joseph B. Wirthlin, Richard G. Scott, Robert D. Hales, Jeffrey R. Holland, Henry B. Eyring, Dieter F. Uchtdorf, kei David A. Bednar.
O ira era tokona yalovinaka vakaraitaka.
E dua e saqata.
E sa vakaturi me da tokoni ira na daunivakasala ena Mataveiliutaki Taumada kei ira na iApositolo Le Tinikarua me ra parofita, daurairai, ka dauvakatakila.
Duavata kece yalovinaka vakaraitaka.
Saqata, ke dua, vakaraitaka vakakina.
Keitou sa vakaraitaka eke na nodra sa vagalalataki o Elders Ronald T. Halverson, Dale E. Miller, H. Bryan Richards, Donald L. Staheli, David R. Stone, H. Bruce Stucki, Robert J. Whetten, kei Richard H. Winkel mai na iKarua ni Kuoramu ni Vitusagavulu.
O ira era gadreva me da duavata ena nodra vakavinavinakataki, yalovinaka vakaraitaka.
Vakakina, ena vakavinavinaka keitou vakaraitaka na nodratou sa vagalalataki mai na Vitusagavulu ni iWasewase o César A. S. Milder, Hyae- Kee Min, kei Masayuki Nakano.
O ira era gadreva me da duavata ena kena vakayacori yalovinaka vakaraitaka vakakina.
E sa vakaturi me da tokoni Erich W. Kopischke me sa lewe vou ni Vitusagavulu ni iWasewase.
O ira era tokona yalovinaka vakaraitaka.
E dua e saqata me vakaraitaka.
E sa vakaturi me da tokoni ira tale na Vakaitutu Raraba, Vitusagavulu ni iWasewase, kei na Mataveiliutaki Raraba ni Veimataisoqosoqo me vaka na kena lewa ena gauna oqo.
O ira era duavata yalovinaka vakaraitaka.
E dua e saqata me vakaraitaka.
E kena irairai ni veitokoni eda sa loma vata ena kena veivakadonui, Peresitedi Hinckley.
Vinaka vakalevu, kemuni na taciqu kei na ganequ, ena nomuni vakabauta kei na masumasu gugumatua.