Integridat: Un Atributo Cristian
Biba un bida di integridat ta rekerí pa nos ta fiel na Dios, na otronan, i na nos identidat divino.
Den e delaster oranan di e ministerio di e Salbador, El a bai na e Seru di Oleifi den e hardin di Getsemani i a invitá Su disípelnan pa warda.1 Awor su so, El a pidi Su Tata, “Si ta Bo boluntat, kita e kopa aki for di Mi.”2 Den agonia, Su sufrimentu a kousa E, “Dios, el mayor de todos, temblara a causa del dolor y sangrara por cada poro, … y deseara no tener que beber la amarga copa y desmayar.”3 Asta den e momentu di desesperashon profundo aki, e Salbador no a kobardiá “pero a bebe i a kaba [Su] preparashon pa e yunan di hombernan.”4
Komo e Unigenito di e Tata, JesuCristo tabata tin poder riba morto, doló, i sufrimentu pero E no a retirá. El a kumpli e kombenio ku El a hasi ku Su Tata i, hasiendo esaki, a manifestá un atributo Kristian kada biaha mas importante den e mundu ku nos ta biba— e atributo di integridat. El a keda fiel na Dios, na kada un di nos, i na Su identidat divino.
Integridat
JesuCristo ta nos Ehèmpel. Biba un bida di integridat ta rekerí pa ta fiel na Dios, na otronan, i na nos identidat divino. Integridat ta bini di e promé gran mandamentu di stima Dios. Pasobra bo ta stima Dios, bo ta fiel na djE den tur tempu. Bo ta kompronde ku tin bon i malu i tin un berdat obsoluto—Dios Su bèrdat. Integridat kemen ku nos no ta baha nos normanan òf komportashon pa impreshoná òf wòrdu aseptá pa otronan.5 Abo “haz lo justo” i “deja que las consecuencias sigan.”6 Un revishon resiente na Predicad Mi Evangelioe manual mishonero a agregá notablemente integridat komo un atributo Cristian.7
Un par di aña pasa, Elder Uchtdorf a wòrdu asigná pa reorganisá nos estaka. Durante nos entrevista, el a hasia mi un pregunta ku mi no a lubida: “Tin algu den bo bida ku, si tres’é na e atenshon di e públiko, lo bira un berguensa pa abo òf e Iglesia?” Sorprendí, lihe mi mente a rekoré riba henter mi bida, purbando pa korda e momentunan kaminda lo mi por a kai kortiku i puntra mi mes, “si otronan sa tur lo kual ku mi a hasi, kiko nan lo pensa dimi òf e Iglesia?”
Den e momentu ei, mi a pensa ku Elder Uchtdorf no tabata puntrando tokande dignidat so, pero mi a bin realisá ku e tabata realmente un pregunta tokante integridat. Mi tabata fiel na loke mi ta prediká? E mundu lo wak [e] konsistensia entre mi palabranan i mi echonan? Otronan lo por wak Dios pa medio di mi kondukta?
Presidente Spencer W. Kimball a siña, “Integridat” ta nos “deseo i abilidat pa biba pa nos kreensianan i kompromisonan.”8
Fiel na Dios
Un bida di integridat ta rekerí pa nos ta promé ku tur kos fiel na Dios.
For di nos infansia trempan, nos a siña e relato di Daniel den e kueba di leonnan. Daniel semper tabata fiel na Dios. Su kompañeronan yalurs “a trata di haña un motibu pa akusá [e]”9 i a plania un dekreto ku tabata obligá pa hasi orashon na nan diosnan so. Daniel tabata sa di e dekreto pero a bai kas i— ku “su bentananan habrí”10— a hinka rudia i a hasi orashon tres biaha pa dia na e Dios di Israel. Komo resultado, Daniel a wòrdu tirá den e kueba di e leonnan. Mahinta, e rei a deskubrí ku e Dios di Daniel a liber’é el a saka un dekreto nobo ku tur mester “teme” i tembla dilanti di e Dios di Daniel: pasobra E ta e Dios bibu.”11
E rei a bin konosé Dios pa medio di e integridat di Daniel. Otronan ta wak Dios dor di nos—palabranan i echonan. Djis manera Daniel, ta fiel na Dios lo alehá nos mas di e mundu.
E Salbador a kòrda nos, “Den e mundu boso lo tin tribulashon: pero sea di bon animo; Mi a vense e mundu.”12 Presidente Russell M.Nelson a konsehá: “[Pa vense] e mundu ta nifiká vense e tentashonnan di preokupá mas pa kosnan di e mundu ku kosnan di Dios. E ta nifiká konfia mas e doktrina di Cristo ku e filosofianan di hende.”13 Na mesun rosea, nos mester resistí e tentashon di kana “den [nos] mes kaminda, i tras di e imahen di [nos] propio dios, tal imahen ta e mesun ku e mundu.”14
E atrakshon kontrali di e mundu aki ta un parti esensial di e plan di salbashon di Dios. Kon nos ta reakshoná na e atrakshon ta e esensia di ken nos ta—un midi di nos integridat. E atrakshon mundano por ta asina direkto komo destruí fidelidat den matrimonio òf asina súptil manera “post” komentario krítiko i anonimo di e doktrina ò kultura di Iglesia. Ehersiendo integridat den nos skohonan ta un ekspreshon eksterno di un kompromiso interno pa sigui e Salbador JesuCristo.
Fiel na otronan
Djis manera integridat ta bini di e prome gran mandamentu pa stima Dios, ta fiel un pa otro ta bini for di e di dos, pa stima nos prohimo manera nos mes. Un bida di integridat no ta un bida di perfekshon; e ta un bida kaminda nos ta esforsá tur dia pa ta prome ku tur kos fiel na Dios i den e konteksto ei ta fiel na otronan. Presidente Oaks a korda nos, “Nos zelo pa warda [e] di dos mandamentu no mester pone nos lubidá e prome.”15
E mundu ta lucha kada biaha mas ku integridat pa medio di imponé kodigonan di kondukta òf reglanan etiko ku ta goberná e relashonnan entre e personanan i institushonnan. Turesten bon, e reglanan aki generalmente no ta anklá den un berdat opsoluto i sá evolushoná basá riba aseptashon kultural. Paresido na e pregunta duná pa Elder Uchtdorf, algun organisashonnan ta entrená empleadonan pa konsiderá kon nan desishonnan òf e proseso di tuma desishon lo mustra si e lo wòrdu publiká online òf riba un portada di un korant importante. Manera e Iglesia ta sali for di opskuridat i tiniebla,16 nos, manera Daniel, mester elevá nos mes riba e ekspektativanan mundano i bira e kara di e Dios berdadero i bibu na tur momentu i den tur lugá.17
Bisando ku nos tin integridat no ta sufisiente si nos akshonnan ta inkonsistente ku nos palabranan. Na mesun rosea, bondat Kristian no ta un sustituto pa integridat. Komo pueblo di kombenio, i komo lidernan di Su Iglesia, nos mester ta sin reproche i aliniá ku e estandartenan ku Señor a establesé.
Aktuando ku integridat ta fortalesé fe i konfiansa i ta sigurá otronan ku nos ta buska hasi e boluntat di Señor so. Den nos konsehonan, nos ta resistí e influensianan eksterno i sigui e proseso revelá pa Señor, buskando ideanan di kada muhé i hòmber i aktuando di akuerdo ku e konseho inspirá risibí.18
Nos enfoke ta riba nos Salbador, i nos ta kuidadoso pa evitá akshonnan ku por wòrdu persibí komo sirbiendo nos mes interes, benefisiando nos famia, òf favoresé algun na e ekspensa di otro. Nos ta hasi e posibel pa evitá kualke persepshon ku nos akshonnan por wòrdu influensiá pa e honornan di hende,19pa risibí rekonosementu personal, generá mas likes, wòrdu nombrá òf publiká.
Fiel na Nos Identidat Divino.
Finalmente, un bida di integridat ta rekerí di nos pa ta fiel na nos identidat divino.
Nos konose algun ku no tabata asina. Di importansia partikular ta e anti-Cristo Korior, kual a hiba e kurasonnan di hopi, pa medio di atrahé na nan “mente karnal.”20 Sinembargo, den e momentunan final di su bida, el a konfesá, “Semper mi tabata sa ku tabata tin un Dios.”21 Presidente Henry B. Eyring a siña ku gaña “ta kontrali na e naturalesa di nos spiritunan,”22nos identidat divino. Korior a gaña su mes, i e berdat no tabata den dje.23
Den kontraste, e Profete Jose Smith pa proklamá ku konfiansa, “Mi tabata sa, i mi tabata sa ku Dios sa, i mi no por a ninga esaki.”24
E ruman hòmber di Jose, Hyrum tabata stimá pa e Señor “pa medio di e integridat di su kurason.”25 E i Jose a keda fiel te na final—fiel na nan identidat divino, e lus i konosementu ku nan a risibí, i fiel na e personanan ku nan tabata sa ku nan por a bira.
Konklushon
Pa nos por rekonsiliá nos mes “na e boluntat di Dios”26 i desaroyá e atributo Kristian di integridat. Laga nos sigui nos Ehèmpel, e Salbador di e mundu, i no kobardiá pero biba un bida ku ta fiel na Dios, na otronan, i na nos identidat divino.
Manera Job a bisa, “laga mi wòrdu pisá ku balansa eksakto, i laga Dios konosé mi integridat.”27 Den e nòmber sagrado di JesuCristo, amèn.