Сүмийн аудитын албаны 2021 оны тайлан
Есүс Христийн Хожмын Үеийн Гэгээнтнүүдийн Сүмийн Тэргүүн зөвлөлд
Хүндэт ах нар аа, Сургаал ба Гэрээний 120-р хэсэг дэх илчлэлтээр Тэргүүн зөвлөл, Арван хоёр төлөөлөгчийн чуулга, Тэргүүлэх бишопын зөвлөлөөс бүрддэг Аравны нэгийн хуваарилалтын зөвлөл Сүмийн хөрөнгийн зарцуулалтад зөвшөөрөл олгодог. Сүмийн байгууллагууд батлагдсан төсөв, бодлого журам, удирдамжийн дагуу мөнгөн санг зарцуулдаг.
Мэргэшсэн мэргэжилтнүүдээс бүрдсэн Сүмийн аудит нь Сүмийн бусад бүх алба, байгууллагад харьяалагддаггүй, бие даасан алба бөгөөд хүлээн авсан хандив, зарцуулсан зарлагын талаар үндэслэлтэй баталгаа гаргах, Сүмийн өмч хөрөнгийг хадгалж хамгаалах зорилгоор аудитын шалгалт явуулах үүрэгтэй.
Аудитын шалгалтад үндэслэн, Сүмийн аудитыг 2021 онд Сүмийн хүлээн авсан бүх бодит хандив, гаргасан зардал, зарцуулсан эд хөрөнгө нь материаллаг шинж чанарын хувьд Сүмээс баталсан төсөв, нягтлан бодох бүртгэлийн практик, бодлого журмын дагуу явагдсан гэж үзэж байна. Сүм гишүүддээ төсвийнхөө хүрээнд амьдрах, өр тавихаас зайлсхийх, шаардлагатай үед ашиглах хадгаламжтай байхыг заадаг тогтсон зарчмаа баримталдаг.
Хүндэтгэсэн,
Сүмийн аудитын албаны
гүйцэтгэх захирал
Жарэд Б.Ларсон