Poder pa Vense e Atversario.

Pa Elder Peter M. Johnson

Di e Setenta

Kon nos ta haña pas, korda ta ken nos ta, i vense e tres D-nan di e atversaro?

Rumannan, danki na boso pa tur loke boso ta hasi pa bira, i pa yuda otro pa bira, berdadero siguidónan di JesuCristu i gos di e bendishonnan di e santu tèmpel . Danki pa boso bondat. Boso ta maravioso; boso ta bunita.

Ta mi orashon pa nos rekonosé e influensha ku ta konfirmá di e Spiritu Santu ora nos kompronde plenamente ku nos ta yunan di Dios. “E Famia: un proklamashon pa e mundu” ta sita: “Tur ser humano--hòmber i mujer--ta krea den e imagen di Dios. Kada un ta un yu spiritual kerí di mayornan selestial, i, komo tal, kada un tin e naturalesa divino i destino.”¹ Nos ta “spiritu nan eskohé ku a wòrdu reserva pa ta den e ultimo despensashon di tempu pa partisipa den e fundamentu di obra maravioso den e ultimo dianan.”² Presidente Russell M. Nelson a deklará: “Bo a wòrdu siñá den e mundu di spritupa prepará bo pa kualkier kos i tur kos ku lo bo enkontra durante e ultimo parti di e delasrer dianan. (wak D&C 138:56). E enseñasa ei ta permanesé den bo”.³

Nos ta yunan elegi di Dios. Bo tin e poder pa vense e atversario. Sinembargo, e atversario sa ta ken bo ta. E konosé bo herensia divino i ta buska pa limitá bo potensial terenal i selestial dor di usa e tres D-nan:

• Desepshon

• Distraíshon

• Deskurashámentu

Desepshon

E atversario a usa e herment di depsepshon den e dianan di Moises. Señor a deklarána Moises:

“Ata ki, bo ta mi yu. …

“Mi tin un obra pa bo … i bo ta den semehansa di mi Unigénito.”⁴

Poko despues di e glorioso vishon aki, Satanas a tratá di gaña Moises. E palabranan ku el a usa ta entresante: “Moises, yu di hende, adorami.”⁵ E desepshon no tabata simplemente den e invitashon pa adorá satanas, sino e forma tambe ku el a deskribí Moises komo yu di hende. Korda, ku Señor a kaba di bisa Moises ku e ta un yu di Dios, krea den semehansa di e Unigénito.

E atversario ta sin kompashon den su entento pa engañá Moises, pero Moises a resistié: “Aparta bo di mi, Satanas, pasó ta esun Dios aki só mi ta adora, ku ta un Dios di gloria.”⁶ Moises a kòrda ta ken e tabata—un yu di Dios.

E palabranan di Señor na Moises ta wòrdu aplika na abo ku ami. Nos ta krea den e imágen di Dios, i E tin un obra pa nos hasi. E atversario ta trata di gaña pa asina nos por lubida ken nos ta realmente. Si nos no ta komprondé ta ken nos ta, e ora ei ta difísil pa rekonosé ken nos por bira.

Distraíshon

E atversario ta purba di destraí nos for di Cristu i Su kaminda di Kombenio. Elder Ronald A. Rasband a komparti lo siguiente: “E atversario su método ta pa distraí nos for di testimonionan spiritual, miéntras Señor su deseo ta pa iluminá i laga nos partisipá den Su obra.”⁷

Den nos tempu, tin hopi distraíshon, ku ta inkluí Twitter, Facebook, Instagram, weganan di realidat virtual, i muchu mas. E teknológia avansá ta sopredente, pero si nos no tene kuídou, nan por destraí nos di alkansá nos pontensal divino. Usando nan apropiadamente por trese e poder di shielu i pèrmití nos pa ta testigu di milagernan ora nos buska pa reuni Israel na tur dos banda di e velo.

Laga nos ta kuídadoso i no kasual den nos usó di e teknológia.⁸ Buska kontinuamente pa wak ku e teknológia ta trese bo mas serka di e Salbador i ta permit nos pa logra Su obra miéntras nos ta preparando pa su Segunda Benida.

Deskurashámentu

Por ultimo, e atversario ta desea pa nos deskurashá. Nos por deskurashá ora nos kompara nos mes ku otronan òf sinti ku nos no ta kumpliendo ku e ekspektativa,, inkluyendo esun di nos mes.

Ora ku mi a kuminsá mi programá doktoral, mi a sinti mi deskurashá. E programá a aksepta kuater studiante so e aña ei, i e otro studiantenan tabata hopi bon. Nan tabata tin sifranan haltu den test i mas eksperensiá di trabou den e posishon di maneho mas haltu, i tabata bria den konfidensha di nan abilidatnan. Despues di mi promé dos simanan den e programá, sintimentunan di deskurishámentu i duda a kuminsa domina mi, pa kasi desesperá mi.

Mi a disidí si mi ke kaba e progamá di kuater aña, mi mester kaba di lesa e Buki di Mormon kada semènster. Tur dia miéntras mi tabata lesa, mi tabatai rekonosé e deklarashon di e Salbador ku e Spiritu Santu lo siña mi tur kos i lo laga mi kòrda tur kos.⁹ E ta reafirma mi ta ken mi ta komo yu di Dios, kòrda mi pa no kompará mi ku e otronan, i dunami konfiansá den mi ròl divino pa por tin eksito.¹⁰

Mi kerido amigunan, por fabor no laga ningun hende hòrta bo felisidat. No kompará bo ku otronan. Por fabor kòrda e palabranan amoroso di e Salvabador, “Pas Mi ta laga pa boso; mi pas ku Mi ta duna boso, no ta manera e mundu ta duna, mi ta duna boso. No laga bo kurason ta turdí, ni tampoko lag’é tin miedu.”¹¹

Kon nos ta hasi esaki? Kon nos ta haña e pas aki, korda ta ken nos ta, i superá e tres D nan di e atversaro?

Promé, korda e promé i gran mandamentu ta pa stima Dios ku henter nos kurason, poder, mente, i forsa.¹² Tur lokual nos ta hasi mester motiva pa nos amor pa E i pa Su Yu. Segun nos ta desoroya nos amor pa Nan, dor di warda Nan Mandamentunan, nos kapasidat pa stima nos mes i stima otronan ta oumentá. Nos lo kuminsa sirbí famia, amigunan, i bisiñanan pasó nos lo bai miranan manera e Salbador ta mira nan—manera yunan di Dios.¹³

Di dos, resa na e Tata den e nòmber di JesuCristu tur dia, tur dia, tur dia.¹⁴ Ta pa medio di orashon nos por sinti e amor di Dios i mustra nos amor pa E. Dor di orashon nos ta ekspresá nos gratitut i pidi pa forsa i e kurashi pa someté nos boluntat na e boluntat di Dios i wòrdu guiá i dirigí den tur kos.

Mi ta kurashá bo, “resa na e Tata ku tur bo energia di kurason, pa bo por wòrdu yená ku amor, … pa bo por bira yunan di Dios; pa ora e aparesé nos lo ta manera E ta.”¹⁵

Tres, lesa e Buki di Mormon tur dia, tur dia, tur dia.¹⁶ M estudio di e Buki di Mormon ta drecha ora ku mi ta lesa ku un pregunta na mente. Ora nos ta lesa ku un pregunta, nos por risibí revelashon i rekonosé e profeta José Smith a papia berdat ora ku e la deklara, “E Buki di Mormon {ta} e buki mas korekto ku kualke buki na mundu, … i ku un hòmber [òf mujer lo] aserká mas na Dios dor di warda su preseptonan, ku i kualke otro buki.”¹⁷ E Buki di Mormon ta kontene e palabra di Cristu i e ta yuda nos kòrda ta ken nos ta.

Por último, partisipá den orashon di e santa sena tur siman, tur siman, tur siman. Ta dor di e ordenasanan di e saserdosio, inkluyendo e santa sena, ku e poder di e piedat ta manifesta den nos bida.¹⁸ Elder Davi d A. Bednar a siña: “E ordenansa di e santa sena ta un ripitishon i invitashon sagrado pa arepentí sinseramente pa wòrdu spiritualmente renobá. E akto di partisipá di e santa sena, den i di su mes, no ta kita piká. Pero ora nos ta prepará konsientemente i partisipá den e ordenansa santu aki ku un kurason kibrá i un spiritu kontrito, e ora ei e promesa ta ku nos por tin e Spiritu di Señor pa semper huntu ku nos.”¹⁹

Ora nos partisipá humildemente di santa sena, nos ta kòrda Jesus Su sufrimentu den e hardin di Getsemani i Su sakrifisio na e krus. Nos ta ekspresá gratitut na Tata pa a manda Su Uniko Yu Stima, nos Rendentor, i mustra nos boluntat pa warda Su mandamentunan i kord’E semper.²⁰ Tin un iluminashon spiritual asiosia ku e santasena—e ta personal, e ta poderoso, i e ta nesesario.

Mi amigunan, mi ta priminti boso ku segun nos hasi esfuerso pa stima Dios ku henter nos kurason, resá den e nòmber di Cristu, studia e Buki di Mormon, i partisipá den di orashon di e santa sena, nos lo tin e kapasidat, ku e forsa di Señor, pa vense e praktikanan engañoso di e atversario, i pa minimalisá distrashon ku ta limitá nos potensial divino, i pa risisti deskurashamentu ku ta limitá nos kapasidat pa sinti e amor di nos Tata Selestial i Su Yu. Nos lo komprende kompletamente ta ken nos ta komo yunan di Dios.

Rumannan, mi ta kompartí mi amor i ta deklará mi testimonio ku mi sa ku Tata Selestial ta bibu i ku Jesus ta e Cristu. Mi stima nan. E Iglesia di JesuCristuu di e Santunan di e Delaster Dianan ta e reino di Dios riba e tera. Nos tin un sita divino pa prepara e mundu pa Segundo Benida di e Mesia. Den e nòmber di JesuCristu, amèn.

Notanan

1. E Famia: Un Proklamashon na e Mundu,,” Liahona, Mei 2017, 145.

2. Doctrina y Convenios 138:53; wak tambe Doctrina y Convenios 138:54–56.

3. Russell M. Nelson, “Stand as True Millennials,” Liahona, Oct. 2016, 48.

4. Moises 1:4, 6.

5. Moises 1:12.

6. Moises 1:20; wak tambe Moises 1:16–19, 21.

7. Ronald A. Rasband, “Lest Thou Forget,” Liahona, Nov. 2016, 115.

8. Wak Becky Craven, “Careful versus Casual,” Liahona, Mei 2019, 9–11.

9. Wak Juan 14:26.

10. Nos ròl ta pa logra pa optené e bida eterno, independiente for lokual bo por optene manera e mundu ta mira komo eksito den e esfueronan terenal. E Spiritu Santu ta kòrda nos riba nos ròl divino i ta ken nos lo por bira si nos permanesé riba e kaminda di kombenio i vense, ku e forsa di Señor, e tentashonnan di e atversario.

11. Juan 14:27; énfasis añadí.

12. Wak Mateo 22:37–38.

13. Wak Juan 3:16; 1 Juan 4:19; Mosia 2:17.

14. Wak 3 Nefi 18:18–21.

15. Moroni 7:48; énfasis añadí.

16. Wak Kevin W. Pearson, “Stay by the Tree,” Liahona, Mei 2015, 114–16.

17. Introdukshon pa E Buki di Mormon.

18. Wak Doctrina y Convenios 84:20–21.

19. David A. Bednar, “Always Retain a Remission of Your Sins,” Liahona, Mei 2016, 61–62.

20. Wak Moroni 4:2–3; 5:1–2; Doctrina y Convenios 20:76–79. Tene kuenta ku nos ta bibando den un tempu ku nos tin mester di Su Spiritu pa ta semper huntu ku nos.