Keda serka dje Palu

Dor di Elder Kevin W. Pearson

Di e Setentanan

Imagen

Lehi su vishon di e palu di bida ta un poderoso parabel riba perseverá te na final.

Djis promé ku Presidente Heber J. Grant a fayesé, un di e Rumannan a bishita su kas. Promé ku e la bai, Presidente Grant a hasi orashon, “O Dios, bendishonámi pa mi no pèrdè mi testimonio i keda fiel te na final!”¹ Despues di 27 aña komo Presidente di Iglesia, esaki tabata su orashon ferviente. Su ehèmpel tabata un fuerte rekordatorio ku ningun hende, na kualke edat, ta inmune pa e influensha di Satanas. Dos hèrmènt mas fuerte di Satanas ta distraishon i engaño.

Perseverando te na fin ta un muestra di un bèrdadero disípulo i esensial pa bida eterno. Pero ora tribulashon i desafionan bin den nos kaminda, ta bisa nos pa “wanta duru”. Lagami ta kla, pa “wanta duru” no ta un prinsipio di e evangelio. Perseverá te na final ta nifiká konsientemente bin serka Cristu i ser perfekshoná den dje.

Si perseverá ten a final ta esensial pa bida eterno, dikon ta un konflikto pa nos ta fiel? E ta bira un konflikto pan so ora nos ta entre dos prioridat kompetente. Obediensia kasual, i kompromiso suak ta debilitá fe. Perseverá te na final ta rekerí un kompromiso total na Señor i na nos kombenionan.

Lehi su vishon di e palu di bida ta un parábola poderoso tokante perseverá te na final. Por fabor, studia i eskuadria den orashon e soño di Lehi; apliká nan den nos bida. Ora bo hasié, konsiderá koutelosamente seis prinsipio importante ku ta yuda nos perseverá te na fin.

1. No lubidá di hasi orashon

Nos ta kuminsá ku Lehi su so “den un desierto skur i tristu.”² Kada un di nos ta eksperensha periodonan di skuridat i soledat. “Ora bida bira skur i tristu, no lubidá di resa.”³ Sigui Presidente Heber J. Grant su ehèmpel. Resa pa fortalesa i perseveransha te na final. Pidi Tata Selestial, “Kiko mas Bo ke pa mi hasi?”

2. Bin na Cristu i Perfekshoná bo mes den Dje

E palu di bida ta un enfoke enterno di e soño di Lehi. Tur kos ta mustra riba e palu di bida. E palu ta representá Cristu, ku ta e manifestashon kla di e amor di Dios. E fruta ta su Ekspiashon infinito i ta gran evidensia di Dios su amor. Bida eterno ku nos sernan kerí ta mas dushi i mas deseoso ku kualke otro kos. Pa realisá e don aki, nos mester “bin na Cristu, i ser perfekshoná den dje.”⁴ E ta “e kaminda, e bèrdat, i e bida.”⁵ Nos por yena nos bidanan ku logronan i kosnan bon, pero al final, si nos no drenta e e sagrado kombenionan di sigui Cristu i keda fiel na dje, nos lo no komprondé e bèrdadero propósito.

3。Sigui pa dilanti ku Fe

Tin un kaminda ku ta hibabo na e palu di bida, na Cristu. E ta stret i smal, estrikto i eksakto. Dios su mandamentunan ta estrikto pero no ta restriktivo. Nan ta protehá nos for di peligernan spiritual i físiko i prevení nos di bai pèrdí.

Obediensia ta konstruí fe den Cristu, Fe ta un prinsipio di akshon i poder. Konsistentemente sigui e Salbador su ehèmpel ta produsí poder spiritual i kapasidat. Sin e fortalesa i e poder di e Ekspiashon, lo ta imposibel pa keda den e kaminda i perseverá.

Sigui dilanti ku firmesa den Cristu.”⁶

4. E Buki di Mormon ta e Yabi pa Sobrebibensia Spiritual

E jornada di bida ta un desafio. Ta fásil pa wòrdu distraí, sali for di e kaminda i pèrdè. Tribulashon ta inevitabel i un parti indispensabel di nos progreso eterno. Ora atversidat yega, no laga algu ku bo no ta komprondé kompletamente, afektá tur kos ku bo sa. Tene pasenshi, wanta na e bèrdat: komprondementu lo bin. Tribulashonnan ta manera neblinanan di skuridat ku ta siega bo wowonan i hasi bo kurason duru. A ménos ku nos ta ”wantando konstantemente””⁷ na e palabra di Dios, i bib’é, nos lo bira spiritualmente siegu. Buska e Buki di Mormon i palabranan di e profetanan bibiente tur dia, tur dia, tur dia! Ta e yabi pa sobrebibensia spiritual i evitando desepshon. Sin esaki nos ta spiritualmente pèrdí.

5. No wòrdu Distraí ni Gañá

Hasi kaso ta duna atenshon kuidadoso. Hasi kaso nan esnan ku no ta kere den Cristu no lo yudabo hañ’é. Buskando den medionan sosial pa konosementu no ta guiabo yega na e bèrdat. E no ta publiká einan. Solamente e Salbador tin e “palabranan di bida eterno.”⁸ Tur sobra kos ta djis palabranan. E edifisio grandi i espasioso ta representá e “imaginashonnan vano i e orguyo”⁹ di e mundu, den otro palabra, distraishon i engaño. E ta yená ku hende bon bisti ku parse di tin tur kos. Pero nan ta burla di e Salbador i di esnan ku ta siguié. Nan ta semper ta siñando, pero nunka nan no por yega na e konosementu di e bèrdat.”¹⁰ Nan por ta polítikamente korekto, pero nan ta spiritualmente pèrdí.

6. Keda serka e Palu

Lehi su mensahe ta pa keda serka di e palu. Nos ta keda pasobra nos ta kombertí na Señor. Alma a siña nos, “Ata ki, e la kambia nan kurasonnan; si, e la lanta nan for di un soño profundo, i nan a lanta den Dios.”¹¹ A medida ku nos ta entrega nos kurason na Dios, e Spiritu Santu ta kambia hasta nos naturalesa, nos ta bira kombertí profundamente na Señor, i nos lo no buska mas e edifisio espasioso. Si nos stòp di hasi e kosnan ku ta trese kombershon profundo, nos lo bai atras spiritualmente. Apostasia ta bai atras den kombershon.

Na tur misionero pasado i presente: Eldernan i hermananan, bo no por simplemente regresá for di bo mishon, i bolbe bek na e kustumbernan Babilóniko, i pasa hopi oranan ta skor puntonan riba weganan di video sin sentido sin kai den un soño spiritual profundo. Tampoko bo no por bai den pornografia riba Internet i ignorá virtut i kastidat sin konsekuensianan spiritual grave. Si bo pèrdè e Espíritu, bo ta pèrdí. No wòrdu distraí i engañá.

Disípulonan bèrdadero ta kontinuá na spièrta na Dios kada dia den orashon personal signifikativo, estudio serio di skrituranan, obediensia personal, i servisio desinteresá. Keda serka i de palu i keda lantá.

Vários aña pasa, Hermana Pearson i ami a wòrdu yama pa presidí riba e Mishon Washington Tacoma. E yamamentu tabata un sorpresa grandi. Ku algu di miedu mi a reuní ku e presidente i direktor di e kompania kaminda mi tabata traha i informe di mi yamamentu misional. E tabata visiblemente rabia ku mi desishon di bandoná e empresa. Ki dia bo a tuma e desishon aki, i dikon bo no a diskutié ku nos promé?” nan a eksigí pa sa.

Den un momento di klaridat, i kontesta profundo a bin den mi mente. Mi a bisa, “Mi a tuma e desishon tempu mi tabata un hóben di diesnuebe aña, ora mi a hasi mi kombenionan sagrado ku Dios den e tèmpel pa sigui e Salbador. Mi a konstruí hinter mi bida riba e kombenionan ei, i mi ta bai warda nan kompletamente awor.

Fo’i ora nos drenta den kombenio ku Dios, no por bai bek. Sede, entrega i faya no ta opshonnan. Den e Reino di Dios, tin un stándart di ekselensha pa eksaltashon. E ta rekerí disípulado valiente! No tin lugá pa disípulonan averahe of komplasiente. Averahe ta enemigu di ekselensha, i kompromiso averahe lo prevení bo di perseverá te na final.

Si bo ta luchando, konfuso, of spiritualmente pèrdí, mi ta urgibo pa hasi loke ami sa ku lo trese bek den e kaminda. Kuminsá atrobe na lesa e Buki di Mormon i biba di akuerdo ku su enseñansanan, tur dia, tur dia, tur dia! Mi ta testifiká di e poder profundo di e Buki di Mormon ku lo kambia bo bida i fortalesé bo resolushon pa sigui Cristu. Spiritu Santo lo kambia bo kurason, i yudabo pa wak e kosnan manera nan ta berdaderamente.”¹² E lo mustrabo kiko bo tin ku hasi. Esaki ta Nefi su promesa na bo:

“I Mi a bisa na nan…ken ku skucha e palabra di Dios, i gara duru na dje, nan lo no bai pèrdí; tampoko e tentashonnan i e flechanan ardiente di e atversario lo dominá nan den seguedat, i guia nan den distrukshon.

P’esei, Ami…a eksortá nan… pa nan por skucha na e palabranan di Dios i kòrda di warda su mandamentunan semper den tur kos.” .”¹³

determiná nos destino eterno. Lanta den Dios, wanta na e bèrdat, warda bo kombenionan sagrado di tèmpel, i keda banda di e palu!

Mi ta testifiká di e Cristu bibu resusitá. Mi sa ku e ta bibu. Mi deseo mas grandi ta ku mi lo ta bèrdadero i fiel te na final siguiendo su ehèmpel magnífiko. Den e sagrado nòmber di e Señor JesuCristu, amèn.