ចំគោលដៅ
តើវាជាការបន្លំដែរទេក្នុងការចម្លងពីអ៊ីនធឺណិត ឬបញ្ញាសិប្បនិម្មិតសម្រាប់កិច្ចការសាលា ?
ចម្លើយខ្លីគឺមែនហើយ ។
បច្ចេកវិទ្យាធ្វើឲ្យប្អូនៗងាយស្រួលក្នុងការរកព័ត៌មាន ។ វាជាឧបករណ៍ដ៏ល្អសម្រាប់ការស្រាវជ្រាវ និងការរៀនសូត្រ ។ ប៉ុន្តែសំណួរអំពីការចម្លងពីអ៊ីនធឺណិត ឬបញ្ញាសិប្បនិម្មិតសម្រាប់កិច្ចការសាលា គឺមិនសំដៅលើអ្វីដែលងាយស្រួលនោះទេ ។ តែសំខាន់គឺអំពីអ្វីដែលជាគោលបំណងនៃការអប់រំរបស់ប្អូនៗ ។
« ព្រះវរបិតាសួគ៌មានព្រះទ័យចង់ឲ្យបុត្រា និងបុត្រីរបស់ទ្រង់រៀនសូត្រជានិច្ច ។ … ការអប់រំ … ជាផ្នែកមួយនៃគោលដៅដ៏អស់កល្បរបស់ប្អូនៗដើម្បីប្រែក្លាយកាន់តែដូចជាព្រះវរបិតាសួគ៌ » ( ដើម្បីកម្លាំងនៃយុវជន ៖ សេចក្តីណែនាំដើម្បីធ្វើការជ្រើសរើស [ ឆ្នាំ២០២២ ] ទំព័រ ៣១ ) ។ ការអប់រំប្រភេទនេះគឺអំពីការអភិវឌ្ឍចិត្ត របស់ប្អូនៗ និងចំណេះដឹង របស់ប្អូនៗ ។ វាមិនមែនអំពីអ្វីដែលប្អូនៗអាចគេចចេញបានដោយគ្រាន់តែបំពេញតម្រូវការអប្បបរមានោះទេ ។
ហើយចំពោះសំណួរអំពីការបន្លំ ៖ ប្រសិនបើសាលារៀន ឬគ្រូរបស់ប្អូនៗប្រាប់ប្អូនៗមិនឲ្យចម្លងចេញពីអ៊ីនធឺណិត ឬបញ្ញាសិប្បនិម្មិត នោះចូរកុំធ្វើវា ។ ប្រសិនបើគ្រូរបស់ប្អូនៗចាត់តាំង ប្អូនៗ ឲ្យសរសេរអ្វីមួយ នោះចូរ ប្អូនៗ សរសេរវា ។ ប្រសិនបើប្អូនៗមិនប្រាកដថា អ្វីដែលត្រូវបានអនុញ្ញាតឲ្យធ្វើនៅលើកិច្ចការណាមួយដែលបានផ្តល់ឲ្យទេ សូមសួរគ្រូរបស់ប្អូនៗ ។
« ការរស់នៅដោយទៀងត្រង់មានន័យថា អ្នកស្រឡាញ់សេចក្តីពិតអស់ពីចិត្ត—ច្រើនជាងអ្នកស្រឡាញ់ … ភាពងាយស្រួល » ( ដើម្បីកម្លាំងនៃយុវជន ៖ សេចក្តីណែនាំដើម្បីធ្វើការជ្រើសរើស ទំព័រ ៣១ ) ។