សំណួរ និង ចម្លើយ
« ខ្ញុំមានការសម្រេចចិត្តធំៗជាច្រើនដែលត្រូវធ្វើ ។ តើខ្ញុំទទួលបានវិវរណៈផ្ទាល់ខ្លួនដោយរបៀបណា ? »
« សិក្សាពីចំណុចវិជ្ជមាន និងអវិជ្ជមាន ហើយជ្រើសរើសអ្វីដែលនឹងធ្វើឲ្យបងប្អូនស្របជាមួយនឹងព្រះ ។ កុំភ្លេចអធិស្ឋានមុនពេល អំឡុងពេល និងបន្ទាប់ពីបងប្អូនបានធ្វើការសម្រេចចិត្តរបស់បងប្អូន ។ ព្រះវិញ្ញាណនឹងបញ្ជាក់ដល់បងប្អូននូវអ្វីដែលត្រឹមត្រូវ » ។
ឡានៀហ៍ អេស អាយុ ១៦ ឆ្នាំ រដ្ឋយូថាហ៍ ស.រ.អា.
« ការអធិស្ឋាន និងការអានព្រះគម្ពីរនឹងជួយ ១០០% ។ ព្រះគម្ពីរចែងថា ‹ ចូរសូមចុះ នោះអ្នករាល់គ្នានឹងទទួល › ។ ដូច្នេះ ចូរសូមចុះ ! បន្ទាប់មកធ្វើការឆ្ពោះទៅរកអ្វីដែលបងប្អូនត្រូវការ ។ សូមចាំថា ព្រះអម្ចាស់នឹងប្រទានឲ្យជានិច្ច ! »
ផាកកឺ ប៊ី អាយុ ១៦ ឆ្នាំ រដ្ឋកាលីហ្វូញ៉ា ស.រ.អា.
« ទូលសូមព្រះវរបិតាសួគ៌ ហើយអានព្រះបន្ទូលរបស់ទ្រង់ ។ មើលពីរបៀបដែលព្រះវិញ្ញាណបរិសុទ្ធឈោងជួយបងប្អូន ដោយសរសេរការបំផុសគំនិតជារៀងរាល់ថ្ងៃ ហើយបងប្អូនអាចរកឃើញលំនាំអំពីរបៀបដែលបងប្អូនទទួលបានវិវរណៈផ្ទាល់ខ្លួន » ។
ខេលិប អេ អាយុ ១៨ ឆ្នាំ រដ្ឋណស ខារ៉ូឡាញណា ស.រ.អា.
« ព្រះគម្ពីរមរមន គឺជាឧបករណ៍ដ៏ល្អបំផុតមួយដែលយើងមានសម្រាប់ការទទួលវិវរណៈផ្ទាល់ខ្លួន ។ យើងអាចរៀនពីគំរូរបស់ព្យាការីពីបុរាណ » ។
ហូអៅ ស៊ី អាយុ ១៩ ឆ្នាំ ទីក្រុងសៅប៉ូឡូ ប្រទេស ប្រេស៊ីល
« ពេលខ្លះចម្លើយរបស់បងប្អូននឹងមិនមកភ្លាមៗទេ ហើយពេលខ្លះវានឹងមកភ្លាមៗ ។ ពេលខ្លះចម្លើយមកជាអារម្មណ៍ពិសេស ឬបទចម្រៀងដែលបងប្អូនឮនៅក្នុងព្រះវិហារ ។ ក្រុមគ្រួសារ និងមិត្តភក្តិដែលទុកចិត្តក៏អាចផ្តល់ដំបូន្មានល្អៗបានដែរ » ។
អាណាបិល វី អាយុ ១២ ឆ្នាំ រដ្ឋយូថាហ៍ ស.រ.អា.