សំឡេងយុវវ័យ
ផ្ទះល្វែងតូច ផែនការធំ
រចនារូបភាពដោយ ខេតលីន បឺច
គ្រួសាររបស់ខ្ញុំធ្លាប់រស់នៅក្នុងផ្ទះធំមួយ ប៉ុន្តែអ្វីៗបានផ្លាស់ប្តូរនៅពេលដែលយើងផ្លាស់ទៅទីក្រុងហាណូយ ។ យើងរស់នៅក្នុងផ្ទះល្វែងតូចមួយ ប្រហែល ៣០ ម៉ែត្រការ៉េ ។ ការរស់នៅក្នុងកន្លែងតូចចង្អៀតជាមួយមនុស្សបីនាក់ផ្សេងទៀតនៅក្នុងគ្រួសាររបស់ខ្ញុំគឺពិបាកណាស់ ។
ប៉ុន្តែខ្ញុំមានអំណរគុណដែលព្រះអាចជួយបង្កើតរឿងល្អៗមកពីគ្រប់ស្ថានភាព ។ ក្នុងអំឡុងពេលនោះ ខ្ញុំបានធ្វើជាអ្នកបកប្រែនៅព្រះវិហារ និងសម្រាប់ឪពុកម្ដាយខ្ញុំ ។ ខ្ញុំអាចអធិស្ឋានជារៀងរាល់ថ្ងៃ ខ្ញុំបានចែកសាក្រាម៉ង់ ហើយខ្ញុំបានស្វាគមន៍មនុស្សដែលមកស្វែងយល់អំពីដំណឹងល្អ ។ ខ្ញុំដឹងថា ព្រះបានប្រទានពរដល់ខ្ញុំ ហើយបានដឹកនាំខ្ញុំឲ្យធ្វើកិច្ចការទាំងនោះ ។
តាមរយៈបញ្ហាប្រឈមទាំងអស់នៅពេលនោះ សេចក្ដីជំនឿរបស់ខ្ញុំកាន់តែរឹងមាំពីមួយថ្ងៃទៅមួយថ្ងៃ ។ មនុស្សជាច្រើនមិនដឹងអំពីដំណឹងល្អទេនៅក្នុងប្រទេសរបស់ខ្ញុំ ដូច្នេះខ្ញុំជាអ្នកត្រួសត្រាយវ័យក្មេងម្នាក់ ។ ខ្ញុំមានបំណងចង់ចែកចាយដំណឹងល្អរបស់ព្រះយេស៊ូវគ្រីស្ទជាមួយមនុស្ស ដើម្បីជួយពួកគេឲ្យមានជីវិតរីករាយជារៀងរហូតជាមួយព្រះយេស៊ូវគ្រីស្ទ និងព្រះវរបិតាសួគ៌ ។
ឌុយ អិន អាយុ ១៤ ឆ្នាំ ទីក្រុងហាណូយ ប្រទេសវៀតណាម
ចូលចិត្តបម្រើអ្នកដទៃ អានបទគម្ពីរ និងរៀនភាសាផ្សេងទៀត ។