Go Stret long Poen

?Wanem i gospel we i fulwan ?

Jisas long Getsemane, i kam long Dan Burr

Lod i bin talem se gospel we i fulwan i “kavenan we i no gat en,” we Hem i “sendem i go long pikinini blong ol man” (Doktrin mo Ol Kavenan 66:2). Hem i gat evri samting we ol pikinini blong God oli nidim blong save mekem wan kavenan rilesensip wetem Hem mo kasem fasin blong sevem man mo blong kam olsem wan god.

Gospel hem i “gud nius” abaot Jisas Kraes. Hem i “Plan blong fasin blong sevem man blong God, we i kamtru tru long Atonmen blong Jisas Kraes Gospel i gat ol trutok o ol loa we oli no save finis, ol kavenan, mo ol odinens we ol man i nidim blong save gobak insaed blong stap wetem God.” (Gaed long Ol Skripja, “Gospel”). Plante long olgeta samting ia oli bin lus. Be naoia, tru long revelesen blong ol profet, stat long Josef Smit, Lod i stap putum bak gospel blong Hem we i fulwan.

Wetem Restoresen blong gospel blong Hem we i fulwan Jisas Kraes i stap “invaetem yumi evriwan blong kam long Hem mo long Jos blong Hem, blong kasem Tabu Spirit, ol odinens blong fasin blong sevem man, mo kasem glad ia we i nogat en” (“Restoresen blong Gospel blong Jisas Kraes we I Fulwan: Tu Handred Yia Ofisol Toktok I Go long Wol,” Gospel Laebri).