Mi Stragel wetem lukluk we Mi gat long Miwan

Paulina M., 18 yia, Podlasie, Poland

Hem i laekem blong plei vaeolin, plei piano, mo ridim ol stori buk.

Long praemeri skul mi fesem plante hadtaem wetem lukluk we mi gat long miwan, mo traem blong stap pat long. Mi traem blong eksasaes blong bodi blong i jenis, be mi no bin filim hapi wetem bodi blong mi olsem we i stap long mira.

Afta bigfala sista blong mi i kasem petriakel blesing blong hem, mo mi stat blong tingting blong karem blong mi. Mi bin gat 12 yia, mo blong fastaem mi bin ting se ating mi yang tumas. Be mi bin prea mo toktok wetem bisop blong mi, mo mi filim se i stret.

Petriakel blesing blong mi i mekem mi tingbaot se Papa long Heven i save mi mo se Hem i save ol hadtaem we mi stap go tru long hem. Hem i save nem blong mi. Hem i stap blong helpem mi sapos mi wantem blong askem help blong Hem.

Samtaem yu maet lukluk long yuwan mo tingting se yu no naes inaf folem ol standet blong wol. Be miwan mi lanem se lukluk blong God long mi i moa impoten bitim lukluk blong eni narafala man. Mo sapos mi save se God i luk mi olsem pikinini gel blong Hem, hemia i evri samting ia nao we mi nidim.