“Unsa kaha kon dili ako makaingon nga ako nasayod nga ang ebanghelyo tinuod?,” Alang sa Kalig-on sa mga Kabatan-onan, Hulyo 2024.
Direkta sa Punto
Unsa kaha kon dili ako makaingon nga ako nasayod nga ang ebanghelyo tinuod?
Kon ikaw dili mobati nga makasulti ka og, “Ako nasayod,” OK ra na. Pagsugod sa unsay imong gituohan. Ug kon dili ka segurado mahitungod niana, pagsugod sa unsay imong gitinguha nga tuohan. Dayon “tugoti kini nga tinguha nga molihok diha kaninyo” (Alma 32:27) ug mohimo kanimo sa pagbuhat—sa pag-ampo, pagtuon, paghinulsol, pagserbisyo. Samtang palihokon nimo ang imong hugot nga pagtuo, hatagi og pagtagad ang imong mga hunahuna ug mga pagbati. Ngadto-ngadto, masaligon ka na unya nga mosulti og, “ako nagtuo.”
Ang “pagtuo usa ka bililhon nga pulong, gani mas bililhon nga buhat, ug dili [ka] kinahanglan nga mangayog pasaylo tungod kay ‘mituo lamang.’”
Mahala ang mga kamatuoran sa ebanghelyo nga imong gituohan. Lihoka kini. Pagmatinud-anon ngadto niini. Sa imong pagbuhat sa ingon, mapanalanginan ka uban sa Espiritu Santo. Ug mobati ka nga nahisakop sa Simbahan bisan unsang matang pa ang imong pagpamatuod nga ikaw aduna. Sama sa giingon ni Presidente Dieter F. Uchtdorf, kanhi—Ikaduhang Magtatambag sa Unang Kapangulohan, “Kinahanglan nga ingon niani kadako ang inyong pagpamatuod aron makasulod.’”