Ikonektar

Renata B.

12, La Paz, Bolivia

Sa eskwelahan gidaog-daog ko ug gidaog-daog sa social media. Giingnan nako ang akong mga ginikanan kon unsay nahitabo, ug ila kong gitabangan. Ug matag adlaw nag-ampo ko ngadto sa Langitnong Amahan alang sa mas maayong relasyon sa akong mga higala ug nga magmalig-on ko sa pag-atubang sa unsay akong giagian. Mibati ako og kalinaw, ug karon arang-arang na ang tanan. Nagkat-on ko sa pagpasaylo sa mga nagdaog-daog ug wala nagdumot.

Ako adunay pipila ka mga kasinatian diin gitabangan ko sa Dios. Kanunay akong mag-ampo kon aduna koy pasundayag sa ballet, tungod kay nerbyoson gyod ko. Makapakalma kini kanako kanunay ang paghunahuna sa Langitnong Amahan. Mipraktis usab ako sa piyano hangtod nakahimo na ako sa pagduyog diha sa simbahan. Bisan og wala nako nabuhat kini sa hingpit, gihatag nako ang akong labing maayo ug nakita ang mga panalangin gikan sa Ginoo.

Nagkat-on ko sa pagpasaylo sa mga nagdaog-daog ug wala nagdumot.

Kasagaran sa mga taga-Bolivia Kinatsila ang sinultihan, bisan og adunay sobra sa 30 ka pinulongan nga opisyal nga lumad.

Ang La Paz mao ang labing taas nga kapital nga siyudad sa kalibotan (mga 12,000 ka pye [3,658 m] ibabaw sa lebel sa dagat).

Ang Bolivia mao ang pinuy-anan sa mga lumod [pink river dolphins] (nailhan usab nga Amazon river dolphin)!