Kalig-on gikan sa mga Kasulatan

Kalig-on sa mga Bayani

Ni Brynn Wengler

Mga Magasin sa Simbahan

Ang mga bayani sa Basahon ni Mormon nagkinahanglan usab og kalig-on, ug si Jesukristo mao ang tinubdan niini. Sa unsang paagi kamo makagamit sa Iyang kalig-on sama sa gibuhat niini nga mga bayani?

Mga paghulagway pinaagi ni Jarom Vogel

Nephi: Pagpadayag (1–2 Nephi)

Ang pagbiya sa panimalay, ang panglimbasog sa mga hagit sa pamilya, ug ang pag-atubang sa wala mahibaloi mahimong lisod. Apan samtang iyang gibutang ang iyang hugot nga pagtuo diha sa Ginoo, si Nephi nakakat-on sa pagtinguha og pagpadayag ug mosalig sa Ginoo sa paggiya kaniya.

Si Alma ug ang mga Anak nga Lalaki ni Mosiah: Paghinulsol (Mosiah 27–28; Alma 36)

Nagkinahanglan kini og kalig-on ang paghinulsol ug pag-angkon nga ikaw nasayop. Human kini nga grupo sa mga managhigalaay nakasinati og gamhanan nga tawag sa paghinulsol, sila midangop kang Jesukristo ug nakakaplag og dako nga kalig-on. Maisogon silang mibiya sa ilang karaan nga mga kinabuhi ug, inubanan sa hugot nga pagtuo, miserbisyo sa Ginoo ug mitabang sa uban sa pagbuhat sa susama. Nakakaplag sila og dako nga kalipay.

Ang Batan-ong mga Manggugubat: Nakig-away sa mga Gubat sa Kinabuhi (Alma 53; 56–57)

Ang kinabuhi adunay mga gubat sa tanang matang. Sa dihang kini nga mga batan-ong lalaki miatubang og mga gubat, nahinumdom sila sa unsay gitudlo kanila sa ilang mga inahan mahitungod sa ebanghelyo ug nakig-away “ingon og may kusog sa Dios” (Alma 56:56).