Tuusao i le Mataupu

O le a le faitaulaga pepelo? Pe o se mea e tatau ona ou popole i ai?

Faresaio

Auiliiliga o le Faresaio mai Faataoto, saunia e James C. Christensen

Ua taʼu mai e Nifae ia i tatou ua poloaiina i tatou e le Alii ia aloese mai “faitaulaga pepelo,” ona ia faamatalaina lea:

Fai mai Nifae, ‘O faitaulaga pepelo, o tagata ia latou te talai atu ma faatutu aʼe i latou lava e fai ma malamalama i le lalolagi, ina ia mafai ona latou maua o oloa ma viiga o le lalolagi; a ua latou lē saili le manuia o Siona” (2 Nifae 26:29).

Ua tuuina mai e Nifae ia i tatou ni uiga autu se lima o le faitaulaga pepelo. O tagata ia:

E Talai Atu. O loo latou ta’u atu i tagata mea e talitonu i ai ma le auala e ola ai i o latou olaga.

Faatutu a’e i latou lava e fai ma malamalama i le lalolagi. O loo latou ta’u atu i tagata e vaavaai atu ia i latou (aele o Iesu Keriso) mo aoaoga ma faataitaiga e mulimuli ai.

Manao ia maua le oa. O loo latou talai atu ia maua ni tupe.

Manao ia maua le viiga o le lalolagi. O loo latou talai atu ina ia ta’u atu e tagata ia i latou lo latou maoae nai lo le faia e faafiafia ai le Atua.

Ua lē sailia le manuia o Siona. Latou te le mananao i le malo o le Atua i le lalolagi (e taua foi o Siona po o le Ekalesia a Iesu Keriso) ina ia manuia. O le mea moni, atonu latou te mananao i le faafeagai.

Vaavaai mo i latou o e faia nei mea. Mulimuli i le Alii ma Ana Perofeta. O le a fesoasoani le Agaga Paia ia te oe.