Angel A.

16, Alberta, Kanata

Ata

tamaitai talavou

Ata na pueina e Amanda Steed

Ou te nofo i Kanata (taupulepule felavasai: matou te le o nonofo moni i ni ikulu [igloos] pe tietie i a matou muse [moose] i le aoga). O le avea ai ma se tagata O Le Ekalesia a Iesu Keriso o le Au Paia o Aso e Gata Ai iinei ua aumaia ai ia te a’u le olioli tele. Ae e i ai foi aso e faanoanoa ma le tetee. Sa ou ola a’e i se nofoaga sa leai ni o’u aiga vavalalata, ae na tuuina mai e le Tama Faalelagi ia te a’u lo’u aiga o le uarota ma fesoasoani ia te a’u e fausia ni faigauo e faavavau ma le autalavou i la’u siteki. Po o fea lava o e i ai, e i ai lou aiga pe a i ai le talalelei.

Sa ou i ai i le tulaga maualalo o le maualalo ina ua latalata mai lo’u taimi faatulagaina mo se faamanuiaga faapeteriaka. Sa faia e le fili ia ou mafaufau e le manaomia ona maua lo’u faamanuiaga. Ona ou faalogoina lea o le leo sili ona filemu ma le itiiti o uunaia a’u e valaau i faifeautalai tamaitai. Ina ua o mai tamaitai faifeau, sa ou lagonaina le matuai malosi ma le manino o le alofa o le Faaola mo a’u.

E ui e le mafai ona tatou latalata faaletino i lo tatou Faaola, ae e taua tele mo i tatou le faalatalata atili atu ia te Ia i taimi uma. O lo’u faamanuiaga faapeteriaka e faamalosia ai a’u ma faamanatu mai ai ia te a’u o a’u o se afafine paia o le Atua.