Sau, Mulimuli Mai ia te A’u

2 Nifae 5

Po o O’u Ola “e tusa ma le Ala o le Fiafia”?

Saunia e Eric D. Snider

Mekasini a le Ekalesia

O nisi nei o manatu mo oe e ola ai i le ala na fai mai ai Nifae sa ola ai lona nuu.

autalavou

Ata na tusia e Alyssa Gonzalez

E le’i leva ona mavae le vavaeeseina mai ia sa Lamana, ae faimai Nifae o lona nuu “sa ola e tusa ma le ala o le fiafia” (2 Nifae 5:27). I le manatu ai sa i ai se isi vaega o tagata sa mananao e fasioti i latou (tagai 2 Nifae 5:1–6, 14), atonu o se mea e ofo ai. E mafai faapefea e se tasi ona fiafia i se tulaga faapena?

O le mea muamua lava, ia matau “sa tatou ola e tusa ma le ala o le fiafia” e le faapea ai “sa fiafia sa Nifae taitoatasi i le 24/7.” O lona uiga sa latou ola i le ituaiga o auala, ma faia ituaiga o mea, lea e masani ona tau atu i le fiafia. I le aotelega, e ui lava i o latou luitau, sa o se taimi fiafia.

O le a la le “ala o le fiafia”? E mafai faapefea ona tatou faaluaina i o tatou lava olaga, lea foi e i ai luitau? Sei o tatou vaavaai!

• Ia usiusitai. “Sa matou matauina e tausia … o poloaiga a le Alii” (2 Nifae 5:10).

  O le ola ai i le talalelei o le Laasaga 1. Atonu e te fiafia mo se taimi le tumau i le agasala, ae o le a le umi. O le lē usitaʻi ma le loto i le Atua e lē o se “ala o le fiafia” (tagai Alema 41:10).

• Sailiili i tusitusiga paia. “O aʼu, o Nifae, sa … ou aumai foi talafaamaumau sa togitogia i luga o papatusi apamemea” (2 Nifae 5:12). “Tatou te … suesue i ai ma iloa ai sa manaomia i latou; ioe, ua taua tele lava ia te i matou” (1 Nifae 5:21) .

  Sa i tagata o Nifae ia tusitusiga paia. Ma latou te lei mauaina na o i latou—sa latou sailia i latou.

• Faalogo i taitai musuia. “O a’u, o Nifae, sa ou faapaiaina Iakopo ma Iosefa, e tatau ona avea i laua ma faitaulaga ma aoao i luga … o lo’u nuu” (2 Nifae 5:26).

  Sa faaaoga e nei faiaoga ia tusitusiga paia e fai ma o latou taiala (tagai 2 Nifae 4:15; 6:4).

• Alu i le malumalu (ma isi nofoaga paia). “O a’u, o Nifae, sa ou fausia se malumalu” (2 Nifae 5:16).

  E taua le i ai o nofoaga paia e pei o falelotu ma malumalu mo so’o e faapotopoto ma tapuai ai. (E mafai ona tatou manatu faapea o sa Nifae e le na o le i ai o se malumalu—sa latou faaaogaina moni lava.) Afai e le mafai ona e auai i se malumalu, e mafai lava ona e faia galuega o talafaasolopito o aiga.

• Ia fua mai. “Sa ou aoaoina loʼu nuu e fausia ni fale, ma ia galulue. … “Ma sa oo, ina faia e [aʼu] o Nifae, ia toaaga oʼu tagata, ma ia galulue i o latou lava lima” (2 Nifae 5:15, 17).

  O se vaega “o le ala o le fiafia” o le i ai lea o se mea e fai! O se tofiga, o se galuega, o se tiutetauave—o se mea e tuuina atu ia te oe le taulaiga ma le faamoemoega (faatasi ai ma se taimi talafeagai e malolo ai, ioe). E faigata ona fiafia pe afai e te le fiafia i taimi uma.

Pe e te faapea atu o loo e ola i le taimi nei e tusa ma le ala o le fiafia? Afai e leai, atonu e mafai e le faataitaiga a Nifae ona avatu ia te oe ni nai manatu i le auala e faaleleia ai.