« ភាពជាសិស្សដ៏យូរអង្វែង—សេចក្តីដកស្រង់ » ដើម្បីកម្លាំងនៃយុវជន ខែ វិច្ឆិកា ឆ្នាំ ២០២២ ។
ភាពជាសិស្សដ៏យូរអង្វែង
សេចក្តីដកស្រង់
បទពិសោធន៍ដូចជាសន្និសីទ FSY បោះជំរុំ ការប្រជុំសាក្រាម៉ង់ និងបេសកកម្ម អាចជួយពង្រឹងទីបន្ទាល់របស់យើងបាន ដោយនាំយើងឆ្លងកាត់រង្វង់នៃការរីកចម្រើន និងការរកឃើញខាងវិញ្ញាណដើម្បីទៅកាន់កន្លែងនៃសេចក្តីសុខសាន្ត ។ ប៉ុន្តែតើអ្វីខ្លះដែលយើងត្រូវធ្វើដើម្បីនៅទីនោះ និងបន្ត « ឈានទៅមុខដោយខ្ជាប់ខ្ជួននៅក្នុងព្រះគ្រីស្ទ » ( នីហ្វៃទី ២ ៣១:២០ ) ជាជាងចុះអន់ថយទីបន្ទាល់ ? យើងត្រូវតែបន្តធ្វើរឿងទាំងនោះដែលនាំយើងទៅទីនោះតាំងពីដំបូង ដូចជាការអធិស្ឋានជាញឹកញាប់ ធ្វើឲ្យខ្លួនយើងជ្រមុជក្នុងបទគម្ពីរ និងការបម្រើដោយស្មោះ ។ …
នៅ FSY យុវវ័យរាប់ពាន់នាក់របស់សាសនាចក្រ និងយុវវ័យជាច្រើនទៀតចាប់ផ្តើមស្គាល់ព្រះអង្គសង្រ្គោះកាន់តែបានប្រសើរជាងមុន ដោយការប្រើប្រាស់រូបមន្តងាយៗនៃការមកជួបជុំគ្នា ដែលមានពួកគេពីរនាក់ ឬច្រើននាក់ប្រមូលផ្តុំក្នុងព្រះនាមរបស់ទ្រង់ ( សូមមើល ម៉ាថាយ ១៨:២០ ) ចូលរួមក្នុងដំណឹងល្អ និងព្រះគម្ពីរ ច្រៀងជាមួយគ្នា អធិស្ឋានជាមួយគ្នា និងស្វែងរកសេចក្តីសុខសាន្តក្នុងព្រះគ្រីស្ទ ។ នេះគឺជារបៀបដ៏មានអានុភាពសម្រាប់ការដាស់ខាងវិញ្ញាណ ។ …
យុវវ័យដ៏រឹងមាំនៃទីក្រុងស៊ីយ៉ូន កំពុងធ្វើដំណើរឆ្លងកាត់ពេលវេលាដ៏គួរឲ្យស្ងប់ស្ងែង ។ ស្វែងរកអំណរ ក្នុង ពិភពលោកនៃការរំខានដែលបានព្យាករណ៍ ដោយគ្មានការក្លាយជាផ្នែក នៃ ពិភពលោកនោះ ពីចំណុចងងឹតឆ្ពោះទៅរកបរិសុទ្ធភាព គឺជាការទទួលខុសត្រូវដ៏ពិសេសរបស់ពួកគេ ។…
ខ្ញុំដឹងថា តាមរយៈការទីពឹងលើព្រះអម្ចាស់ព្រះយេស៊ូវគ្រីស្ទ និងផ្លូវនៃសេចក្តីសញ្ញារបស់ទ្រង់ នោះយើងអាចរកឃើញនូវទំនុកចិត្ត និងសេចក្តីសុខសាន្តខាងវិញ្ញាណ នៅពេលយើងចិញ្ចឹមបីបាច់ទម្លាប់បរិសុទ្ធ និងទម្លាប់សុចរិតនានា ដែលអាចទ្រទ្រង់ និងបង្កើតនូវសេចក្តីជំនឿរបស់យើង ។ សូមឲ្យយើងម្នាក់ៗខិតទៅជិតកម្លាំងពង្រឹងទាំងនោះ ហើយទោះជាមានអ្វីកើតឡើងក្តី សូមនៅរឹងមាំ ។