តើការពិតជាអ្វី ?
សេចក្តីដកស្រង់
ចាប់តាំងពីសន្និសីទខែមេសាកន្លងមក យើងបានឃើញព្រឹត្តិការណ៍ជាច្រើននៅទូទាំងពិភពលោក រាប់ពីរឿងឈឺចាប់ទៅរឿងដ៏អស្ចារ្យបំផុត ។
យើងរីករាយដែលស្តាប់ឮរបាយការណ៍អំពីសន្និសីទយុវវ័យជាច្រើន បានធ្វើឡើងនៅជុំវិញពិភពលោក ។ …
យើងអររីករាយដែលមានព្រះវិហារបរិសុទ្ធកាន់តែច្រើនបានសាងសង់នៅទូទាំងពិភពលោក ។ …
ការរំលោភបំពានបង្កើតឥទ្ធិពលរបស់មារសត្រូវ ។ វាគឺជាអំពើបាបដ៏ធ្ងន់ធ្ងរ ។ …
មារសត្រូវមានកលល្បិចរំខានផ្សេងៗ ។ ក្នុងចំណោមកលល្បិចទាំងនោះ គឺវាខំប្រឹងធ្វើឲ្យព្រំដែនការពិត និងមិនពិតមានសភាពស្រពេចស្រពិល ។ ព័ត៌មានដ៏សន្ធឹកនៅចង្អុលដៃរបស់យើង ធ្វើឲ្យកាន់តែពិបាកដើម្បីកំណត់ថាការពិតជាអ្វី ។ …
… អ្នកខ្លះព្យាយាមឲ្យយើងជឿថា សេចក្ដីពិតពុំមាននោះទេ—ថាបុគ្គលម្នាក់ៗគួរតែសម្រេចចិត្តដោយខ្លួនឯងថា ការពិតជាអ្វី ។ ជំនឿបែបនោះគឺជាការគិតចង់បានរបស់អស់អ្នកដែលគិតខុសថា ពួកគេនឹងមិនទទួលខុសត្រូវចំពោះព្រះឡើយ ។
បងប្អូនប្រុសស្រីជាទីស្រឡាញ់ ព្រះគឺជាប្រភពនៃរាល់សេចក្ដីពិតទាំងអស់ ។ សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ឱបក្រសោបរាល់សេចក្ដីពិត ទាំងអស់ ដែលព្រះបានប្រទានដល់បុត្រាបុត្រីទ្រង់ មិនថាបានរៀននៅក្នុងបន្ទប់ពិសោធន៍ខាងវិទ្យាសាស្ដ្រ ឬបានទទួលតាមវិវរណៈមកពីទ្រង់ផ្ទាល់នោះទេ ។
បងប្អូននឹងបន្ដស្ដាប់ឮសេចក្ដីពិតចេញពីវេទិកានេះនៅថ្ងៃនេះ និងថ្ងៃស្អែក ។ សូមកត់ត្រាទុកយោបល់ណាដែលបងប្អូនចាប់អារម្មណ៍ និងយោបល់ណាដែលផុសឡើងក្នុងគំនិតនិងដក់ជាប់នៅក្នុងចិត្តរបស់បងប្អូន ។ ចូរទូលសូមព្រះអម្ចាស់ប្រកបដោយការអធិស្ឋាន ដើម្បីបញ្ជាក់ថា អ្វីដែលបងប្អូនបានស្ដាប់ឮគឺជាការពិត ។