« ចូរដើរតាមព្រះយេស៊ូវគ្រីស្ទដោយជំហាននៃសេចក្ដីជំនឿ—សេចក្តីដកស្រង់ » ដើម្បីកម្លាំងនៃយុវជន ខែ វិច្ឆិកា ឆ្នាំ ២០២២ ។
ចូរដើរតាមព្រះយេស៊ូវគ្រីស្ទដោយជំហាននៃសេចក្ដីជំនឿ
សេចក្តីដកស្រង់
បងប្អូនប្រុសស្រី ខ្ញុំសូមថ្លែងទីបន្ទាល់ថា នៅពេលយើងដើរតាមព្រះយេស៊ូវគ្រីស្ទ ដោយជំហាននៃសេចក្ដីជំនឿ នោះមានសេចក្ដីសង្ឃឹមហើយ ។ មានសេចក្តីសង្ឃឹមនៅក្នុងព្រះអម្ចាស់យេស៊ូវគ្រីស្ទ ។ មានសេចក្ដីសង្ឃឹមសម្រាប់មនុស្សទាំងអស់នៅក្នុងជីវិតនេះ ។ មានសេចក្តីសង្ឃឹមដើម្បីយកឈ្នះលើកំហុស ទុក្ខព្រួយ និងការលំបាក ការសាកល្បង ព្រមទាំងបញ្ហានានារបស់យើង ។ មានសេចក្ដីសង្ឃឹមនៅក្នុងការប្រែចិត្ត និងការត្រូវបានអភ័យទោស ព្រមទាំងនៅក្នុងការអភ័យទោសដល់អ្នកដទៃផងដែរ ។ ខ្ញុំសូមថ្លែងទីបន្ទាល់ថា មានសេចក្ដីសង្ឃឹម និងភាពសុខសាន្តនៅក្នុងព្រះគ្រីស្ទ ។ ទ្រង់លើកទ្រយើងពេលបច្ចុប្បន្ននេះ ឲ្យឆ្លងកាត់គ្រាលំបាកនានាបាន ។ ទ្រង់បានធ្វើបែបនោះសម្រាប់ពួកអ្នកត្រួសត្រាយដំបូង ហើយទ្រង់ក៏ធ្វើដូច្នេះសម្រាប់យើងម្នាក់ៗនាពេលបច្ចុប្បន្ននេះផងដែរ ។ …
ពេលខ្ញុំគិតអំពីពួកអ្នកត្រួសត្រាយ ដែលបានរៀបចំផ្លូវសម្រាប់អ្នកដទៃទៀត ដំបូងខ្ញុំគិតអំពីព្យាការី យ៉ូសែប ស្ម៊ីធ ។ …
ពួកអ្នកផ្សព្វផ្សាយសាសនារបស់យើងសព្វថ្ងៃ គឺជាអ្នកត្រួសត្រាយសម័យទំនើប ពីព្រោះពួកគេចែកចាយសារលិខិតដ៏រុងរឿង[ នៃការស្ដារឡើងវិញ ]នេះជាមួយមនុស្សនៅជុំវិញពិភពលោក ដូច្នេះវាបើកផ្លូវឲ្យបុត្រាបុត្រីរបស់ព្រះវរបិតាសួគ៌ ស្គាល់ទ្រង់ និងព្រះរាជបុត្រារបស់ទ្រង់ គឺព្រះយេស៊ូវគ្រីស្ទ ។ …
ប្រធាន ណិលសុន បានធ្វើជាអ្នកត្រួសត្រាយនៅក្នុងសាសនាចក្រ ។ …
លោកកំពុងបង្រៀនយើងឲ្យប្រែកាន់តែមានភាពខ្លួនទីពឹងខ្លួនខាងវិញ្ញាណ ។ …
ព្រះសង្រ្គោះរបស់យើង ព្រះយេស៊ូវគ្រីស្ទគឺជាអ្នកត្រួសត្រាយដ៏ខ្ពង់ខ្ពស់បំផុតក្នុងការរៀបចំផ្លូវ ។ ប្រាកដណាស់ ទ្រង់ ជា « ផ្លូវ » [ យ៉ូហាន ១៤:៦ ] សម្រាប់ផែនការនៃសេចក្ដីសង្គ្រោះឲ្យសម្រេចបាន ដើម្បីយើងអាចប្រែចិត្ដបាន ហើយត្រឡប់ទៅព្រះវរបិតាសួគ៌របស់យើងវិញ តាមរយៈសេចក្តីជំនឿលើទ្រង់ ។ …
សូមឲ្យយើងដើរតាមដានព្រះបាទារបស់ព្រះយេស៊ូវគ្រីស្ទ ហើយដោយមានសេចក្តីជំនឿលើគ្រប់ជំហានទាំងអស់របស់យើង សូមផ្តោតលើទ្រង់ ដោយបន្តដើរយ៉ាងរឹងប៉ឹងនៅលើផ្លូវនៃសេចក្ដីសញ្ញា ហើយនេះគឺជាការអធិស្ឋានដោយរាបសាររបស់ខ្ញុំនៅក្នុងព្រះនាមនៃព្រះយេស៊ូវគ្រីស្ទ អាម៉ែន ។