« លក្ខខណ្ឌសម្រាប់ដើម្បីទទួលបានវិវរណៈផ្ទាល់ខ្លួន—សេចក្តីដកស្រង់ » ដើម្បីកម្លាំងនៃយុវជន ខែ វិច្ឆិកា ឆ្នាំ ២០២២ ។
លក្ខខណ្ឌសម្រាប់វិវរណៈផ្ទាល់ខ្លួន
សេចក្តីដកស្រង់
យើងត្រូវយល់ពីលក្ខខណ្ឌដែលព្រះវិញ្ញាណបរិសុទ្ធធ្វើការ ដើម្បីប្រទានវិវរណៈផ្ទាល់ខ្លួន ។ …
ព្រះគម្ពីរគឺធាតុទីមួយនៃលក្ខខណ្ឌសម្រាប់វិវរណៈផ្ទាល់ខ្លួននេះ ។ ការទទួលទានព្រះបន្ទូលទាំងឡាយនៃព្រះគ្រីស្ទ ដែលមាននៅក្នុងព្រះគម្ពីរ បង្កើនវិវរណៈផ្ទាល់ខ្លួន ។ …
ធាតុទីពីរនៃលក្ខខណ្ឌនេះគឺថា យើងទទួលវិវរណៈផ្ទាល់ខ្លួនក្នុងដែនរបស់យើងតែប៉ុណ្ណោះ ពុំមែនក្នុងរង្វង់ឯកសិទ្ធិរបស់អ្នកដទៃឡើយ ។…
… គោលលទ្ធិ បទបញ្ញត្តិ និងវិវរណៈសម្រាប់សាសនាចក្រគឺជាឯកសិទ្ធិរបស់ព្យាការីដែលនៅរស់ ដែលទទួលគោលលទ្ធិ បទបញ្ញត្តិ និងវិវរណៈពីព្រះអម្ចាស់ ព្រះយេស៊ូវគ្រីស្ទ ។ …
… មានតែព្យាការីប៉ុណ្ណោះដែលទទួលវិវរណៈសម្រាប់ សាសនាចក្រ ។…
វិវរណៈផ្ទាល់ខ្លួន ជាកម្មសិទ្ធិរបស់បុគ្គលម្នាក់ៗ ។ ឧទាហរណ៍ ៖ បងប្អូនអាចទទួលវិវរណៈអំពីកន្លែងដែលត្រូវរស់នៅ អាជីពការងារដែលត្រូវធ្វើ ឬបុគ្គលដែលត្រូវរៀបការ ។ …
ធាតុទីបីនៃលក្ខខណ្ឌនេះគឺថា វិវរណៈផ្ទាល់ខ្លួននឹងស្របជាមួយបទបញ្ញត្តិនៃព្រះ និងសេចក្ដីសញ្ញា ដែលយើងបានធ្វើជាមួយនឹងទ្រង់ ។ …
នៅពេលយើងទូលសូមវិវរណៈណាមួយដែលព្រះបានប្រទានការណែនាំច្បាស់លាស់រួចហើយ នោះយើងនាំឲ្យមានការបកស្រាយអារម្មណ៍ និងការស្ដាប់ឮអ្វីដែលយើងចង់ឮដោយខុសឆ្គង ។ …
ធាតុទីបួននៃលក្ខខណ្ឌនេះគឺ ទទួលស្គាល់អ្វីដែលព្រះបានបើកសម្ដែងដល់បងប្អូនដោយផ្ទាល់រួចហើយ ខណៈដែលបងប្អូនបើកដួងចិត្តដើម្បីទទួលយកវិវរណៈបន្ថែមទៀតពីទ្រង់ ។ …
… ខ្ញុំដឹងថា ព្រះវិញ្ញាណបរិសុទ្ធអាចហើយនឹងបង្ហាញនូវរឿងគ្រប់យ៉ាងដែលបងប្អូនគួរធ្វើ ។