« កេរតំណែលនៃការលើកទឹកចិត្ត—សេចក្តីដកស្រង់ » ដើម្បីកម្លាំងនៃយុវជន ខែ វិច្ឆិកា ឆ្នាំ ២០២២ ។
កេរតំណែលនៃការលើកទឹកចិត្ត
សេចក្តីដកស្រង់
ដូចដែលម្តាយខ្ញុំបានប្រាប់ខ្ញុំ នៅពេលខ្ញុំត្អូញត្អែរពីរឿងពិបាកថា « អូ៎ វាពិបាកម្ល៉េះ ។ វាច្បាស់ជាពិបាកហើយ ។ ជីវិតគឺជាការសាកល្បង » ។
គាត់អាចនិយាយបែបនោះដោយស្ងប់ចិត្ត ទាំងញញឹម ពីព្រោះគាត់បានដឹងរឿងពីរយ៉ាង ។ មិនថាមានបញ្ហាអ្វីនោះទេ រឿងសំខាន់បំផុតរបស់គាត់ គឺការធ្វើដំណើរទៅកាន់ផ្ទះរស់នៅជាមួយព្រះវរបិតាសួគ៌ ។ ហើយគាត់ដឹងថា គាត់អាចធ្វើវាបានតាមរយៈសេចក្តីជំនឿលើព្រះអង្គសង្គ្រោះ ។ …
កេរតំណែលនៃការលើកទឹកចិត្តដែលគាត់បានបន្សល់ទុកបានពិពណ៌នាយ៉ាងល្អនៅក្នុង មរ៉ូណៃ ៧ ត្រង់កន្លែងដែលមរមនលើកទឹកចិត្តកូនប្រុស មរ៉ូណៃ និងប្រជាជនរបស់លោក ។ …
លោកបានដាក់ព្រះយេស៊ូវគ្រីស្ទជាទីមួយ ដូចអស់អ្នកដែលជោគជ័យផ្តល់ការលើកទឹកចិត្តដល់អស់អ្នកដែលពុះពារធ្វើដំណើរឆ្ពោះទៅផ្ទះសួគ៌ារបស់ពួកគេ ។ …
មរមនបានឃើញភាពស្លូតបូតជាភស្តុតាងនៃភាពរឹងមាំនៃសេចក្តីជំនឿរបស់ពួកគេ ។ …
បន្ទាប់មក មរមនបានលើកទឹកចិត្តពួកគេ ដោយការថ្លែងទីបន្ទាល់ថា ពួកគេកំពុងនៅលើផ្លូវដើម្បីទទួលអំណោយទានក្នុងដួងចិត្តដែលពោរពេញទៅដោយសេចក្តីស្រឡាញ់ដ៏សុទ្ធសាធរបស់ព្រះគ្រីស្ទ ។ …
បើគិតត្រឡប់ទៅវិញ ឥឡូវនេះខ្ញុំអាចមើលឃើញពីរបៀបដែលអំណោយនៃសេចក្តីសប្បុរស—ជាសេចក្តីស្រឡាញ់ដ៏សុទ្ធសាធនៃព្រះគ្រីស្ទ—បានពង្រឹង ដឹកនាំ ទ្រទ្រង់ និងផ្លាស់ប្តូរម្តាយរបស់ខ្ញុំក្នុងការពុះពារនៅតាមផ្លូវត្រឡប់ទៅផ្ទះរបស់គាត់ ។ …
… ព្រះអង្គសង្គ្រោះជ្រាបពីការពុះពារគ្រប់យ៉ាងរបស់បងប្អូន ។ ទ្រង់ជា្របពីសក្ដានុពលដ៏អស្ចារ្យរបស់បងប្អូនដើម្បីចម្រើនសេចក្ដីជំនឿ ក្ដីសង្ឃឹម និងសេចក្ដីសប្បុរស ។
ព្រះបញ្ញត្តិ និងសេចក្ដីសញ្ញាដែលទ្រង់ផ្ដល់ឲ្យបងប្អូនពុំមែនជាការសាកល្បងដែលគ្រប់គ្រងបងប្អូននោះទេ ។ វាគឺជាអំណោយទានមួយដើម្បីលើកស្ទួយបងប្អូនឆ្ពោះទៅកាន់អំណោយទានរបស់ព្រះ ហើយត្រឡប់ទៅផ្ទះវិញ ដើម្បីជួបព្រះវរបិតាសួគ៌ និងព្រះអម្ចាស់ដែលស្រឡាញ់បងប្អូន ។