“Mga Aktibidad sa Pumarito Ka, Sumunod Ka sa Akin para sa Maliliit na Bata,” Kaibigan, Mayo 2023, 49.
Bagong Tipan
Mga Aktibidad sa Pumarito Ka, Sumunod Ka sa Akin para sa Maliliit na Bata
Para sa Lucas 12–17; Juan 11
Laruin ang paghula ng pasasalamat kasama ng maliliit na bata! Pumili ng isang bagay na pinasasalamatan mo, pero huwag mong sabihin kung ano ito. Banggitin ang mga dahilan kung bakit nagpapasalamat ka para sa tao o bagay na iyon hanggang sa mahulaan ito nang tama ng iyong anak. Pagkatapos ay sila naman!
Para sa Mateo 19–20; Marcos 10; Lucas 18
Ipakita sa iyong maliliit na anak ang isang larawan ng templo. Ipaliwanag na nais ng Ama sa Langit na mabuklod tayo sa mga templo upang ang ating pamilya ay magkasama-sama magpakailanman. Awitin ang “Mag-anak ay Magsasamang Walang-Hanggan” (Aklat ng mga Awit Pambata, 98).
Para sa Mateo 21–23; Marcos 11; Lucas 19–20; Juan 12
Pumunta sa pinakamalapit na templo kasama ang iyong maliliit na anak o ipakita sa kanila ang mga larawan nito online. Magbahagi ng isang simpleng patotoo tungkol sa nadarama mo tungkol sa templo. Kung makakalakad kayo sa bakuran, tulungan ang mga bata na matukoy ang maganda at payapang damdaming naroon.
Para sa Joseph Smith—Mateo 1; Mateo 24–25; Marcos 12–13; Lucas 21
Tulungan ang iyong maliliit na anak na sabihing, “Gusto ni Jesus na maglingkod ako sa iba.” Magkakasamang mag-isip ng isang taong matutulungan ninyo. Matapos tulungan ang taong iyon, itanong kung ano ang nadama nila nang tumulong sila.