Hello mula sa Cape Verde!

Alamin ang tungkol sa mga anak ng Ama sa Langit sa buong mundo.

Ang watawat ng Cape Verde

Mga larawang-guhit ni Carolina Farías

Ang Cape Verde ay bansa na isang isla na malapit sa baybayin ng Kanlurang Africa. Mga 480 libong katao ang naninirahan doon.

Wika

Dalawang batang babae na nag-uusap

Portuges ang opisyal na wika. Nagsasalita rin ang mga tao ng Cape Verdean Creole, o Kriolu, na batay sa Portuges.

Mga Bulkan

Isang bulkan

Ang Cape Verde ay may 10 isla, na binubuo ng mga bulkan. Ang pinakamalaking aktibong bulkan ay tinatawag na Pico do Fogo. Ito ay 9,281 talampakan (2,829 m) ang taas.

Relihiyon

Isang gusali ng simbahan

Halos 80 porsiyento ng mga tao ay mga Katoliko. Mayroon ding mga 16 na libong miyembro ng ating Simbahan.

Musika

Isang pamilya na kumakanta

Ang mga taga Cape Verde ay mahilig sa musika! Sila ay karaniwang kumakanta sa Creole, at ang kanilang mga estilo ng musika ay pinaghalong estilo mula sa Portugal, Brazil, at West Africa.

Praia Temple

Ang Praia Cape Verde Temple

Ang unang templo sa Cape Verde ay inilaan noong nakaraang taon!

Aktibidad

Kuwento ng Laro

Isang grupo ng mga batang nakapila

Narito ang isang laro na maaari ninyong laruin! Aalis ang isang tao sa silid. Ang iba ay magkukuwento tungkol sa isang lalaking nangingisda sa dagat. Habang nag-uusap sila, mayroong isang bagay silang ipapasa-pasa. Ang kuwento ay palaging nagtatapos sa mga salitang, “at ang maliliit na isda ay namatay.” Sinumang may hawak ng bagay kapag natapos ang kuwento ay itatago ito sa kanilang likod. Ang taong umalis ay babalik at huhulaan kung sino ang may hawak ng bagay na iyon. Kung tama ang hula nila, lalabas ng silid ang taong mayhawak nito. Kung mali ang hula nila, muling aalis ng silid ang taya at muling magsisimula ang kuwento.

Resipe

Cachupa (Cape Verde Stew)

Isang mangkok ng sabaw

1. Hiwain ang 1 sibuyas at 6 na butil ng bawang. Pagkatapos ay iluto ang mga ito sa kawali na may kaunting mantika.

2. Ilipat ang sibuyas at bawang sa malaking kaserola. Magdagdag ng 1 lata ng kamatis, 1 lata ng hominy o mais, at 2 lata ng pulang kidney beans.

3. Magdagdag ng 2 librang (1 kg) karne, tulad ng baboy, sausage, karne ng baka, o isda.

4. Lagyan ng sapat ang tubig para matakpan ang lahat ng sangkap sa kaserola. Isalang o iluto sa mahinang apoy nang hindi kukulangin sa dalawang oras.

Paalala: Maraming paraan para makagawa ng cachupa. Maaari kang magdagdag ng iba-ibang uri ng karne, beans, at gulay kung gusto mo!

Tip para sa Kalusugan

Fantastic Fiber

Beans, berries, at nuts

Maraming fiber ang beans, na naglilinis ng bakterya sa iyong katawan at tumutulong para mabilis ang pagproseso ng pagkain sa iyong katawan. Maaari ka ring makakuha ng fiber sa buong butil, berries, at nuts.