Dali, Sunod Kanako
Makalingaw nga Panahon sa Kasulatan
Kini nga mga ideya kauban sa Dali, Sunod Kanako—alang sa mga Indibidwal ug mga Pamilya matag semana.
Ikaw Mahimong Makapili
Alang sa Doktrina ug mga Pakigsaad 60–62
-
Kantaha ang “Maninguha Kong Mahimong Mahisama Kang Jesus” (Songbook sa mga Bata, 40–41).
-
Ang Langitnong Amahan naghatag kanato og mga sugo. Gusto usab siya nga kita mohimo og mga pagpili sa pagbuhat sa ubang mga maayong butang (tan-awa sa Doktrina ug mga Pakigsaad 62: 5, 7–8).
-
Basaha ang istorya sa pahina 4 ug hisguti ang pagpili ni Chung. Unsa ang maayong mga pagpili ang imong gihimo karon? Dungan, maghimo og usa ka PAM nga taming aron sa pagpahinumdom kaninyo sa pagpili sa matarung. Makadrowing ka niini diha sa usa ka poster o maghimo og porma sa mga butang sa inyong panimalay.
Ako Makapakita og Balaan nga Pagtahud
Alang sa Doktrina ug mga Pakigsaad 63
-
Kantaha ang “Ang Pagtahud Usa ka Gugma” (Songbook sa mga Bata, 12).
-
Si Jesukristo mitudlo, “Kana nga moabut gikan sa kahitas-an sagrado, ug kinahanglan gayud ipamulong uban sa pag-amping” (Doktrina ug mga Pakigsaad 63:64). Kana nagpasabut nga kita kinahanglan nga magpakita og balaan nga pagtahud ug gugma sa Langitnong Amahan ug sa mga butang nga importante ngadto Kaniya.
-
Paklia ngadto sa pahina 24 aron makakat-on og dugang mahitungod sa pagpakita og balaan nga pagtahud. Dayon magdungan sa pagbuhat sa kalihokan.
Paghigugma Sama ni Jesus
Alang sa Doktrina ug mga Pakigsaad 64–66
-
Kantaha ang “Tabangi Ko, Mahal nga Amahan” (Songbook sa mga Bata, 52).
-
Si Jesus mitudlo nga kinahanglan kitang mopasaylo sa tanan (tan-awa sa Doktrina ug mga Pakigsaad 64:9–10). Basaha ang istorya sa pahina 20 aron makita kon sa unsang paagi ang usa ka batang lalaki ug iyang mama nakat-on sa pagpasaylo sa usag usa.
-
Karon pag-drowing og litrato nimo, sa imong pamilya, ug sa Manluluwas. Hisguti ang mahitungod sa mga paagi nga kamo makapakita og gugma alang sa usag usa, sama sa gibuhat ni Jesus. Kamo mahimong magpraktis sa pagsulti og pasayloa ko ug sa pagpasaylo sa usag usa pinaagi sa pagdrama niini.
Mga Pahinumdom sa Bunyag
Alang sa Doktrina ug mga Pakigsaad 67–70
-
Kantaha ang “Kon Ako Bunyagan” (Songbook sa mga Bata, 53).
-
Si Jesus mitudlo nga ang mga bata mahimong mabunyagan human sila mag-otso anyos (tan-awa sa Doktrina ug mga Pakigsaad 68:27). Mahimo ka nga mobasa og usa ka istorya kabahin sa usa ka batang babaye nga gibunyagan diha sa pahina 16.
-
Pangita og mga butang libut sa imong balay nga makapahinumdom nimo sa bunyag. Ang usa ka baso nga tubig makapahinumdom kanimo kon sa unsang paagi kita gibunyagan pinaagi sa pagpaunlod. Ang usa ka piraso sa puting panapton makapahinumdom nimo sa atong pagsul-ob og puti. Ang usa ka habol makapahinumdom nimo sa mainiton nga pagbati sa Espiritu Santo. Unsa pa ang imong mahunahunaan?
Sekreto nga Pagserbisyo alang sa Bishop
Alang sa Doktrina ug mga Pakigsaad 71–75
-
Kantaha ang “Tudloi Ko Paglakaw sa Kahayag” (Songbook sa mga Bata, 70).
-
Si Jesus mitudlo nga ang Iyang Simbahan kinahanglan nga adunay mga bishop aron mogiya ug motabang sa mga miyembro (tan-awa sa Doktrina ug mga Pakigsaad 72:2).
-
Mopasalamat ngadto sa imong bishop o presidente sa branch sa pagbuhat og maayo. Mahimo ka nga mosulat og mugbong sulat o dad-an siya og usa ka makaon. Mahimo pa gani nimong buhaton ang imong plano nga dili mopahibalo kaniya kinsa ang naghimo niini!
Mga paghulagway ni Katy Dockrill