Dali, Sunod kanako

Makalingaw nga Panahon sa Kasulatan

Kini nga mga ideya kauban sa Dali, Sunod Kanako—alang sa mga Indibidwal ug mga Pamilya matag semana.

Imahe

boy reading from card

Barug sa Balaan nga mga Dapit

Kantaha ang “Pilia ang Matarung nga Paagi” (Songbook sa mga Bata, 82).
Si Jesukristo mitudlo nga kita kinahanglang “magbarug sa balaan nga mga dapit” (Doktrina ug mga Pakigsaad 45:32). Ang usa ka balaan nga dapit mahimong bisan asa nga kita makabaton sa Espiritu Santo uban kanato.
Uban sa imong pamilya, paglista og pipila ka mga butang nga makatabang kaninyo nga mobarug sa balaan nga mga dapit, sama sa pagkamabination o pag-ampo. Sa unsang paagi nga kadtong mga butanga makaandam kanato sa pag-anhi ni Jesukristo? Ibutang ang lista sa dapit nga kanunay ninyo kining makita.

Imahe

ballet shoes, paint, guitar

Kantaha ang “Maninguha Kong Mahimong Mahisama kang Jesus” (Songbook sa mga Bata, 40).
Ang Langitnong Amahan mihatag sa matag usa kanato og espirituhanong mga gasa (tan-awa sa Doktrina ug mga Pakigsaad 46:11–26). Kana nagpasabut nga Siya mihatag kanato og espesyal nga mga talento. Ang tanan talagsaon ug importante sa Langitnong Amahan!
Hunahunaa kon unsa nga mga gasa ang anaa kaninyo. Dayon pagpahigayon og usa ka pasundayag sa talento sa pamilya! Ipaambit ang mga gasa nga gihatag sa Langitnong Amahan kaninyo ngadto sa uban.

Imahe

girl holding flashlight

Kantaha ang “Tudloi Ko Paglakaw sa Kahayag” (Songbook sa mga Bata, 70).
Si Jesukristo mitudlo, “Kana nga gikan sa Dios mao ang kahayag” (Doktrina ug mga Pakigsaad 50:24). Ang ebanghelyo sama sa usa ka kahayag nga mogiya kanato gikan sa kangitngit ug kalibug.
Itago ang usa ka butang diha sa ngitngit nga kwarto ug sulayi kini sa pagpangita. Dayon pangitaa pag-usab gamit ang usa ka espat o gamayng suga. Sa unsang paagi nga ang ebanghelyo makatabang kaninyo aron makita ang inyong dalan?

Imahe

girl holding purse

Kantaha ang “Buhata Unsa Ang Matarung” (Mga Himno, nu. 145).
Si Jesus mitudlo nga kita kinahanglang “makig-angay sa matinuoron nga paagi” sa usag usa (Doktrina ug mga Pakigsaad 51:9). Kana nagpasabut sa pagsulti sa tinuod ug magmakiangayon sa uban.
Paghunahuna og mga sitwasyon nga lagmit inyong atubangon sa matag adlaw nga kinabuhi—sama sa pagkakita og kwarta nga nawala sa usa ka tawo o mawad-an og usa ka butang nga inyong hinulaman. Himoa unsay inyong buhaton aron “makig-angay sa matinuoron nga paagi.”

Imahe

child writing in journal

Kantaha ang “Ako Nagpasalamat Kanimo, Mahal nga Amahan” (Songbook sa mga Bata, 9).
Si Jesus mitudlo, “Kamo mopasalamat sa Ginoo nga inyong Dios sa tanan nga mga butang” (Doktrina ug mga Pakigsaad 59:7).
Paghimo og mga journal sa pagkamapasalamaton uban sa inyong pamilya! Pagpilo og mga piraso sa papel sama sa usa ka libro ug adornohi ang hapin. Matag gabii sa dili pa kamo matulog, pagsulat o pagdrowing og tulo ka butang nga kamo mapasalamaton.