Makapadasig nga mga Pulong
Kon kamo adunay malisod nga adlaw o makahimo og sayop, kamo tingali mobati nga mawad-an og kadasig o mobati og dili maayo sa inyong kaugalingon. Apan ang Langitnong Amahan nahigugma kaninyo. Siya mapailobon. Gusto Siya nga magpadayon kamo sa pagpaningkamot ug dili mohunong. Gusto Siya nga mahimo kamong mabination sa tanan—lakip sa inyong kaugalingon!
Si Jesukristo Nahigugma Kaninyo!
Ania ang pipila sa mga pulong sa Manluluwas nga makahatag kaninyo og kahupayan.
-
“Ayaw kahadlok, kay tabangan ko ikaw” (Isaias 41:13).
-
“Ang akong kalinaw … ihatag ko kaninyo. … Ayaw kamog kabalaka” (Juan 14:27).
-
“Ang akong mga anghel [ma]anaa libut kaninyo, aron sa pagtabang kaninyo” (Doktrina ug mga Pakigsaad 84:88).
Sulati ang Inyong Kaugalingon og Pahinumdom
Kon adunay dili maayo nga mahitabo ug dili maayo ang inyong gibati, sulayi og sulat ang inyong kaugalingon og makapadasig nga pahinumdom!
Unsay nahitabo:Dili maayo ang akong kuha sa usa ka eksamin.
Makapadasig nga mga pulong:Makapadayon ko sa pagpaningkamot ug pagkat-on. Mahimo kong mag-ampo alang sa tabang, ug dili ko mohunong.
Unsay nahitabo:Ang akong higala misulti og bati kanako.
Makapadasig nga mga pulong:Ang Langitnong Amahan nahigugma kanako. Pwede ko nga mahimong maayo nga higala.
Unsay nahitabo:
Makapadasig nga mga pulong:
Unsay nahitabo:
Makapadasig nga mga pulong: