Matinabangong mga Kamot sa tibuok Kalibotan
Himamata si Sophie gikan sa Norway
Himamata ang mga bata sa Primary nga nagtabang sa uban, sama sa gibuhat ni Jesus.
Tanan kabahin ni Sophie
Edad: 7
Gikan sa: Norway
Pinulongan: Norwegian
Pamilya: Mama, Papa, ug manghud nga lalaki, si Jacob
Mga tumong ug mga pangandoy:1) Mabunyagan sa dili madugay.2) Magkat-on sa pagtugtug og piano.3) Mobiyahe ngadto sa bag-ong mga dapit.
Matinabangong mga Kamot ni Sophie
Ang mga apohan ni Sophie nagpuyo daplin sa dagat. Si Sophie ug ang iyang manghud nga lalaki, si Jacob, ganahan nga motabang sa ilang lola sa pagpanglimpyo sa baybayon pinaagi sa mainampingong pagkuha sa mga piraso sa bildo ug ubang mga butang. Sila misiguro nga ang baybayon limpyo ug luwas alang sa mga hayop ug sa mga tawo.
Miingon si Sophie, “Si Jesus mitudlo kanato nga maghigugmaay sa usag usa ug magtinabangay sa usag usa. Ang pag-atiman sa kinaiyahan ug pagtabang nga magpabilin kining limpyo ug luwas alang sa mga tawo ug mga hayop mao ang usa ka paagi sa pagtabang sa uban. Pinaagi sa pag-atiman sa atong palibot dinhi sa kalibotan, atong giamumahan ang panimalay sa tanang katawhan. Ang kalibotan nga gilalang sa Dios alang kanato mao ang usa ka dakong panalangin!”
Mga Paborito ni Sophie
Dapit: Panimalay
Istorya mahitungod ni Jesus: Ang istorya sa pagkatawo ni Jesus
Kanta sa Primary: “Mga Istorya sa Basahon ni Mormon”
Pagkaon: Mga Taco
Kolor: Pink
Subject sa Eskwelahan: PE (Songbook sa mga Bata, 44)