ពួកសាវកនៅជុំវិញពិភពលោក
អែលឌើរ ឃុក ចុះទៅសួរសុខទុក្ខប្រទេសហ្វីលីពីន
ពួកសាវកផ្តល់ការងារបម្រើដល់ប្រជាជននៅ ជុំវិញពិភពលោក ហើយនឹងបង្រៀនពួកគេអំពីព្រះយេស៊ូវ គ្រីស្ទ ។
ខណៈដែលអែលឌើរ ឃ្វីនថិន អិល ឃុក និងស៊ិស្ទើរ ម៉ារី ឃុក បាននៅប្រទេសហ្វីលីពីន នោះមានភ្នំភ្លើងធំមួយបានផ្ទុះឡើង ។ ពួកលោកមានចិត្តរីករាយដែលពួកលោកបាននៅទីនោះ ដើម្បីជួយ និងលួងលោមដល់ប្រជាជននៅទីនោះ ។
ខ្យល់មានសុទ្ធតែផេះ ដែលធ្វើឲ្យមានការពិបាកដកដង្ហើម ។ ប្រជាជនត្រូវតែចាកចេញពីផ្ទះ ។ ក្រុមគ្រួសារជាច្រើនបានសម្រាន្តនៅក្នុងព្រះវិហារ ។
អែលឌើរ ឃុក បានប្រាប់ដល់ប្រជាជនថា ព្រះវរបិតាសួគ៌ស្រឡាញ់ពួកគេ ហើយថា ទ្រង់នឹងជួយពួកគេ ។
អែលឌើរ ឃុក បានថ្លែងអំណរគុណដល់សមាជិកនៃសាសនាចក្រចំពោះការបម្រើដូចជាព្រះគ្រីស្ទរបស់ពួកគេចំពោះគ្នាទៅវិញទៅមក និងចំពោះមិត្តភក្តិដែលមានជំនឿផ្សេង ។
* បានដកស្រង់ចេញពី Church News ថ្ងៃទី ១៤ ខែ មករា ឆ្នាំ ២០២០ ។