Tusitusiga Paia
Mosaea 4


Mataupu 4

Ua faaauau pea e le Tupu o Peniamina lana lauga—E oo mai le olataga ona o le Togiola—Ia talitonu i le Atua ina ia faaolaina ai—Ia tumau i le faamagaloina o au agasala e ala i le faamaoni—Faasoa atu au mea i e matitiva—Ia fai mea uma i le poto ma le faatulagaga tatau. E tusa o le 124 T.L.M.

1 Ma o lenei, sa oo ina ua uma ona fai atu e le tupu o Peniamina o upu na tuu mai e le agelu a le Alii ia te ia, sa tepa atu ona fofoga faataamilo i le motu o tagata, ma faauta ua pa’u’ū i latou uma i le eleele, ona ua oo mai i o latou luga le amata’u i le Alii.

2 Ma ua latou vaaia i latou lava i lo latou lava tulaga afaaletino, ua emaualalo lava nai lo le efuefu o le eleele. Ma sa latou alalaga leotele uma i le leo e tasi, fai mai: E, ia alofa mutimutivale mai ia, ma faaaoga le toto itogiola o Keriso ina ia mafai ai ona matou maua le faamagaloga o a matou agasala, ma mafai ona faamamāina o matou loto; ona ua matou talitonu ia Iesu Keriso, le Alo o le Atua, o lē na ofoafoaina le lagi ma le lalolagi, ma mea uma lava; o lē o le a afio ifo i totonu o le fanauga a tagata.

3 Ma sa oo ina ua uma ona latou tautatala o nei upu sa afio ifo i o latou luga le Agaga o le Alii, ma faatumuina i latou i le olioli, ina ua latou mauaina se afaamagaloga o a latou agasala, ma ina ua maua le filemu o le emafaufau, ona o le ifaatuatua tele sa ia te i latou ia Iesu Keriso, o lē o le a afio mai, e tusa ma upu na tautala mai ai le tupu o Peniamina ia te i latou.

4 Ma sa toe tatala e le tupu o Peniamina lona fofoga ma amata ona tautala mai ia te i latou, e faapea: A’u uo e ma o’u uso, lo’u aiga e ma lo’u nuu, ou te manao ia outou toe faalogo mai, ina ia mafai ona outou lagona ma malamalama i a’u upu o totoe o le a ou tautala atu ai ia te outou.

5 Aua faauta, afai ua faaosofia outou i le taimi nei e le malamalama o le agalelei o le aAtua i se lagona o ni tagata noa outou, ma lo outou tulaga lē aoga ma le pa’ū—

6 Ou te fai atu ia te outou, afai ua outou maua se amalamalama o le agalelei o le Atua, ma lona mana lē mafaatusalia, ma lona poto, ma lona onosai, ma lona tali-tiga i le fanauga a tagata; ma, le etogiola foi na saunia mai le ifaavaega o le lalolagi, ina ia mafai ona oo mai o le faaolataga ia te ia o lē e tuu atu lona ofaalagolago i le Alii, ma filigā i le tausiga o ana poloaiga, ma faatuatua pea e oo lava i le iuga o lona ola, ou te manatu o le ola o le tino faaletino—

7 Ou te fai atu, o le tagata lena o lē e mauaina le faaolataga, e ala i le togiola na saunia mai le faavaega o le lalolagi mo le fanauga uma a tagata, o e sa i ai talu mai le apa’ū o Atamu, po o e o i ai, po o soo se tasi o le a i ai, e oo lava i le iuga o le lalolagi.

8 Ma o le ala lenei e oo mai ai le olataga. Ma ua aleai se isi faaolataga vagana ai lenei ua fetalai i ai; pe ua i ai foi ni isi tulaga e mafai ona faaolaina ai o le tagata vagana ai tulaga ua ou ta’u atu ia te outou.

9 Ia talitonu i le Atua; ia talitonu o loo soifua o ia, ma o ia na foafoaina mea uma, i le lagi ma le lalolagi; ia talitonu ua ia te ia le apoto uma, ma le mana uma, i le lagi ma le lalolagi; ia talitonu e lē mafai e le tagata ona emalamalama i mea uma e mafai ona malamalama i ai le Alii.

10 Ma o lea foi, ia talitonu e ao ina outou asalamo ia outou agasala ma lafoai i ai, ma faamaualalalo outou lava i luma o le Atua; ma ole atu ma le faamaoni o le loto o le a efaamagaloina e ia outou; ma o lenei, afai tou te italitonu i nei mea uma, ia vaai ua outou ofaia.

11 Ma ou te toe fai atu ia te outou e pei ona ou fai atu muamua, ona ua outou maua le malamalama i le mamalu o le Atua, pe afai ua outou iloa e uiga i lona agalelei ma ua outou atofo i lona alofa, ma ua outou maua se efaamagaloga o a outou agasala, lea ua tupu ai le olioli tele lava faapea i o outou agaga, e faapea lava ona ou manao ia outou manatua, ma taofi pea i le manatuaina, le silisiliese o le Atua, ma lo outou lava tagata inoa, ma lona oagalelei ma lona tali-tiga ia te outou, o tagata lē aoga, ma faamaualaloina outou lava e oo ifo i le loloto o le ulotomaualalo, ma fvalaau atu i le suafa o le Alii i aso taitasi, ma tutulai mausalī i le faatuatua i le mea o le a oo mai, lea na fetalai mai e le fofoga o le agelu.

12 Ma faauta, ou te fai atu ia te outou afai tou te faia lenei mea o le a outou olioli pea, ma faatumuina i le aalofa o le Atua, ma etumau ai pea le faamagaloina o a outou agasala; ma o le a outou tutupu a’e i le malamalama o le mamalu o ia na foafoaina outou, po o i le malamalama o le mea ua tonu ma moni.

13 Ma o le a lē i ai ia te outou se manatu e faamanu’a i le tasi, ae ia outou nonofo i le afilemu, ma faia i tagata taitoatasi e tusa ma le mea e tatau ai mo ia.

14 Ma o le a outou lē tuu a outou afanau ia latou fia aai, pe lē lavalava; pe tou te tuu foi ia latou solia tulafono a le Atua, ma emisa ma fefinaua’i o le tasi ma le isi, ma auauna i le tiapolo, o lē o le matai o le agasala, po o lē o le agaga leaga lea na tautatala i ai o tatou tamā, o ia o se fili i le amiotonu uma lava.

15 Ae tou te aa’oa’o i latou ia esavavali i ala o le upumoni ma le faamamalu; tou te a’oa’o i latou ia ialofa le tasi i le isi, ma auauna le tasi i le isi.

16 O lenei foi, o outou lava o le a outou afesoasoani atu i e manaomia la outou fesoasoani; o le a outou avatu ni a outou mea ia te ia o lē ua lē tagolima; ma o le a outou lē tuuina le etagata ’aisi ia lē aoga lana aioi mai ia te outou, ma auina ese atu o ia ia fano.

17 Atonu e te afaapea ane: Ua aumai e lea tagata i ona lava luga lona pagatia; o lea o le a ou taofi ai lo’u lima, ma lē avatua ia te ia ni a’u meaai, pe faasoa atu ia te ia a’u mea ina ia lē mafatia o ia, ona ua talafeagai ona faasalaga—

18 Peitai ou te fai atu ia te oe, le tagata e, soo se tasi na te faia lenei mea, o ia lava lea ua i ai se pogai tele e tatau ona salamo ai; ma vagana ai ua salamo o ia i lena mea ua ia faia, e fano o ia e faavavau, ma ua leai sona sao i le malo o le Atua.

19 Aua faauta, pe lē o i tatou uma ea o ni tagata ’aisi? Pe ua tatou lē faalagolago uma ea i le Tagata e tasi, o le Atua lava lea, mo mea uma ua tatou maua, mo meaai ma lavalava, ma mo auro, ma mo ario, ma mo ituaiga uma o oloa eseese ua tatou maua?

20 Ma faauta, e oo lava i le taimi nei, o loo outou valaau atu i lona suafa, ma aioi atu mo se faamagaloga o a outou agasala. Ma ua tuu ea e ia la outou aioi atu ia lē aoga? E leai; ua sasaa mai e ia lona Agaga i o outou luga, ma ua faia e ia ia tumu o outou loto i le aolioli, ma faia e ia ia taofia o outou gutu ia lē mafafai ona outou tautatala, ona o le matua tele o lo outou olioli.

21 Ma o lenei, afai e tuu mai e le Atua, o lē na foafoaina outou, o lē ua outou faalagolago i ai mo o outou ola ma mea uma ua outou maua ma o loo i ai, soo se mea ua sa’o tou te ole atu ai ia te ia, i le faatuatua, ma le talitonu o le a outou maua, E, ua matua tatau lava la ona outou afefaasoaa’i o a outou mea ua maua o le tasi i le isi.

22 Ma afai e te afaamasino i le tagata e tuu mai lana talosaga ia te oe mo au mea ina ia lē fano o ia, ma e ta’usalaina o ia, pe o le a lē matuā sili atu ea la ona tonu o lou ta’usalaga mo le elima mau i au mea, e lē o ni au ae o ā le Atua, o lē foi e ana le ola ua ia te oe; peitai e te lei tuuina atu ai se talosaga, pe salamo i le mea ua e faia.

23 Ou te fai atu ia te outou, oi talofa i lena tagata, ona o le a fano ana mea faatasi ma ia; ma o lenei, ua ou fai atu nei mea ia te i latou o e ua amauoa i mea o lenei lalolagi.

24 O lenei foi, ou te fai atu i e matitiva, outou na ua lē tagolima ae ua lava mea ua outou maua, ua outou ola ai mai lea aso i lea aso; o le uiga o la’u tala o outou uma o e e teena le tagata ’aisi, ona ua outou lē tagolima; ou te manao ia outou fai ifo i o outou loto e faapea: Ua ou lē avatu se mea ona ua ou lē tagolima, ae a na ou tagolima ou te aavatu lava.

25 Ma o lenei, afai tou te fai ifo lenei mea i o outou loto tou te tumau pea i le lē sala, a lē o lea e ata’usalaina outou; ma ua tonu lo outou ta’usalaga ona ua outou manumanu i mea tou te lei mauaina.

26 Ma o lenei, ona o nei mea ua ou tautala atu ai ia te outou—o lona uiga, mo le faatumauina pea o le faamagaloina o a outou agasala mai lea aso i lea aso, ina ia outou asavavali ma le lē sala i luma o le Atua—ou te manao ia outou efaasoa atu a outou mea i e imatitiva, ia taitasi le tagata ma faia e tusa ma mea ua ia te ia, e pei o le ofafagaina o e ua fia aai, faaoofuina o e ua lē lavalava, asiasi atu i e mama’i ma auauna atu mo lo latou mapusaga, faaleagaga ma faaletino, e tusa ma o latou manaoga.

27 Ma ia vaai ia faia nei mea uma i le poto ma le faatulagaga lelei; ona e lē tatau i se tagata ona momo’e atelevave atu nai lo le malosi ua ia te ia. O lenei foi, e tatau ia te ia ona filigā, ina ia mafai ona manumalo o ia i le taui; o lea, e tatau ona faia mea uma i le faatulagaga tatau.

28 Ma ou te manao ia outou manatua, soo se tasi o outou na te nonō se mea mai lē la te tuaoi e tatau ia te ia ona toe faafoi atu le mea na nonō mai e ia, e tusa ma lana ioega, a lē o lea ua e faia le agasala; ma atonu o le a e faia ia fai ai foi e lē lua te tuaoi le agasala.

29 Ma mulimuli lava, e lē mafai ona ou ta’u atu ia te outou mea uma e mafai ona outou faia ai le agasala; ona ua tele ala ma auala eseese, ua matuā tele lava e lē mafai ona ou faitauina.

30 Ae o le mea lenei e mafai ona ou ta’u atu ia te outou, afai tou te lē avaavaaia outou lava, ma o outou emafaufauga, ma a outou iupu, ma a outou galuega, ma tausi i poloaiga a le Atua, ma tumau pea i le faatuatua i mea ua outou faalogo i ai e uiga i le afio mai o lo tatou Alii, e oo lava i le iuga o o outou ola, e fano lava outou. Ma o lenei le tagata e, ia manatua, ma lē fano ai.