Tusitusiga Paia
Mosaea 16


Mataupu 16

E togiola e le Atua tagata mai lo latou tulaga leiloa ma le pa’ū—O i latou o e ua faaletino e tumau pea e peiseai ua leai se togiola—Ua aumai e Keriso se toetu i le ola e le gata po o i le malaia e le gata. E tusa o le 148 T.L.M.

1 Ma o lenei sa oo ina ua uma ona tautala atu Apinati i nei upu sa faaloaloa atu e ia lona lima ma fai atu: E oo mai le taimi o le a vaai ai tagata uma i le faa aolataga a le Alii; pe a oo i atunuu uma, ituaiga, gagana, ma nuu ona vaai i latou lava ma o le a eta’utino atu i luma o le Atua ua tonu ana faamasinoga.

2 Ma ona atutuli ai lea i fafo o e amioleaga, ma o le a i ai se pogai o le a latou uiō ai, ma etagitu’i, ma tagiauē, ma lilivau ai o latou nifo; ma o lenei ona sa latou lē fia faalogo i le siufofoga o le Alii; o lea ua lē togiolaina ai i latou e le Alii.

3 Ona ua latou afaaletino ma faaletiapolo, ma ua i ai i le etiapolo le mana i luga o i latou; ioe, lena lava gata tuai o lē na ifaaseseina o tatou ulua’i matua, le pogai lea o lo laua opa’u’ū; o le pogai lea na avea ai tagata uma ma tagata faaletino, faalelagona, faaletiapolo, ua uiloa le leaga mai le lelei, ma tuu atu i latou lava e pulea e le tiapolo.

4 Sa faapea ona ase ai o tagata uma; ma faauta, po ua latou se ai e lē gata, pe a na lē togiolaina e le Atua ona tagata mai lo latou tulaga leiloa ma le pa’ū.

5 Ae ia manatua o lē e tumau pea i lona lava anatura faaletino, ma faaauau ai pea i ala o le agasala ma le fouvale faasaga i le Atua, e tumau pea i lona tulaga pa’ū ma ua i ai i le tiapolo le mana uma i ona luga. O lea e pei ai e lei faia se etogiola mo ia, ona ua avea o ia ma fili i le Atua; ma o le tiapolo foi o se fili i le Atua.

6 Ma o lenei a na fai e lei afio mai Keriso i le lalolagi, e tautala faatatau i mea o le a oo mai e apeiseai ua uma ona oo mai, po ua leai se togiola.

7 Ma a na fai e lei toetu mai Keriso mai i le oti, pe ua motusia e ia noataga o le oti ina ia lē manumalo le tuugamau, ma ina ia leai se atui o le oti, po ua leai se toetu.

8 Peitai ua i ai se atoetu, o lea ua leai ai se manumalo i le tuugamau, ma o le tui o le eoti ua faatoilaloina i a Keriso.

9 O ia o le amalamalama ma le ola o le lalolagi; ioe, o se malamalama e lē gata, e lē mafai lava ona faapouliuligia; ioe, ma se ola foi e lē gata, e lē mafai ona toe i ai se oti.

10 E oo i lenei tino faaletino o le a faaofuina i le atino ola pea, ma o lenei tino pala o le a faaofuina i le tino lē pala, ma o le a aumai e etutula’i i luma o le nofoa faamasino a le Atua, e ifaamasino e ia e tusa ma a latou galuega pe lelei pe leaga.

11 Afai e lelei a latou galuega, e toetutu mai i le aola ma le fiafia e lē gata; ae afai e leaga a latou galuega, e toetutu mai i le emalaia e lē gata, ona ua tuuina atu i latou i le tiapolo, o lē ua pule ia te i latou, o le malaia lea—

12 Ona sa o i latou e tusa ma o latou lava loto ma manaoga faaletino; ona sa latou lē valaau atu lava i le Alii a’o faaloloa mai aao o le aalofa mutimutivale ia te i latou; ona sa faaloloa mai ia te i latou aao o le alofa mutimutivale, ae sa latou lē mananao i ai; sa lapataia i latou e uiga ia latou amioletonu ae sa latou lē fia o ese mai ai; ma sa poloaiina i latou ia salamo ae sa latou lē fia salamo.

13 Ma o lenei, pe ua lē tatau ea ona outou gatete ma salamo i a outou agasala, ma manatua ua na’o Keriso lava e mafai ona faaolaina ai outou?

14 O lea, afai ua outou a’oa’o atu le atulafono a Mose, ia a’oa’o atu foi o se ata lea o mea o le a oo mai—

15 Ia a’oa’o atu i latou o le togiola e ala mai i a Keriso le Alii, o ia lava lea o le aTamā Faavavau. Amene.